ଆରଡି : ଆରଡି ପୀଠ ରାଜ୍ୟର ଏକ ପୁରାତନ ଶୈବ କ୍ଷେତ୍ର ଭାବେ ପରିଚିତ । ଏହିପୀଠକୁ ନୂଆ ରୂପରେଖ ଦେବା ପାଇଁ ରାଜ୍ୟ ସରକାର ପ୍ରଥମ ପର୍ଯ୍ୟାୟରେ ପାଖାପାଖି ୨୫କୋଟି ଟଙ୍କା ଯୋଗାଇ ଦେଇଥିଲେ । ଏବେ ପୀଠର ୨ୟ ପର୍ଯ୍ୟାୟ ଉନ୍ନୟନ ପ୍ରକଳ୍ପ ପାଇଁ ୪୨କୋଟିରୁ ଅଧିକ ଟଙ୍କା ଯୋଗାଇ ଦେଇଛନ୍ତି । ଯେଉଁଥିରେ ମନ୍ଦିର ଓ ଶିବଗଙ୍ଗା ପୁଷ୍କରିଣୀ ଚତୁଃପାର୍ଶ୍ବର ସମ୍ପ୍ରସାରଣ ସହ ବହୁ ପ୍ରକଳ୍ପ ନିର୍ମାଣ କରାଯିବ । ଏହି କାର୍ଯ୍ୟ ପ୍ରାରମ୍ଭରୁ ଆସନ୍ତା ୯ରୁ ଅର୍ଥାତ ସୋମବାର ଠାରୁ ୩ଦିନ ଧରି ପୀଠରେ ଭୂମିପୂଜନ ଓ ଯଜ୍ଞ ଉତ୍ସବ ଅନୁଷ୍ଠିତ ହେବ । ଏହି ଉତ୍ସବରେ ଶ୍ରୀକ୍ଷେତ୍ର ପୁରିଧାମ ସହ କେନ୍ଦ୍ରାପଡା ବଳଦେବଜୀଉ, ମା’ ବିରଜା, ଭଦ୍ରକାଳୀ ପୀଠରୁ ବ୍ରାହ୍ମଣମାନଙ୍କୁ ଆମନ୍ତ୍ରଣ କରାଯାଇଛି । ତାହାସହ ବହୁ ପ୍ରଶାସନିକ ଅଧିକାରୀ, ଜିଲାର ସାଂସଦ, ସମସ୍ତ ବିଧାୟକଙ୍କୁ ନିମନ୍ତ୍ରଣ କରାଯାଇଛି । ଏଥିସହ ଭୂମିପୂଜନ ନିମନ୍ତେ ଫଳକ ଉନ୍ମଚୋନ କରାଯିବ। ପ୍ରଥମ ପର୍ଯ୍ୟାୟରେ ମନ୍ଦିର ବେଢା ସମେତ ନାଟମଣ୍ଡପ, ଶ୍ରାବଣୀ ମଣ୍ଡପ, ସିଂହଦ୍ବାର ଆଦି ନୂଆରୂପ ପାଇ ଝଟକୁଥିବା ବେଳେ ପୀଠକୁ ଆସୁଥିବା ପର୍ଯ୍ୟଟକମାନଙ୍କୁ ଆକୃଷ୍ଟ ନିମନ୍ତେ ସାଇନସ୍ ପାର୍କ , ଶିବଗଙ୍ଗା ପୁଷ୍କରିଣୀର ସୌନ୍ଦର୍ଯ୍ୟକରଣ ଆଦି କରାଯାଇଛି।
Popular Categories
Previous article
Next article