ବୌଦ୍ଧ: ବୌଦ୍ଧଜିଲ୍ଲା କଂଗ୍ରେସ ପକ୍ଷରୁ ଆଜି ବୌଦ୍ଧ ବ୍ଲକ କାର୍ଯ୍ୟାଳୟ ଘେରାଉ କରିବା ସହିତ ଏକ ନଅ ଦଫା ଦାବିପତ୍ର ବିଡିଓଙ୍କ ଜରିଆରେ ରାଜ୍ୟପାଳଙ୍କୁ ପ୍ରଦାନ କରାଯାଇଛି। ବ୍ଲକ ଅଫିସ ଗୁଡିକରେ ବ୍ୟାପକ ପିସି କାରବାର, ଆବାସ ଯୋଜନାରେ ଦୁର୍ନିତି, ଦରଦାମ ବୃଦ୍ଧି, ବେକାରୀ ସମସ୍ୟା, ନାରୀ ନିର୍ଯ୍ୟାତନା, ଚାଷୀ ମାରଣା ନିତି, ଟାଟା କମ୍ପାନୀର ଖାଉଟି ବିରୋଧି ବିଜୁଳି ନିତି ବିରୁଦ୍ଧରେ ବ୍ଲକ କାର୍ଯ୍ୟାଳୟ ଘେରାଉ କରାଯାଇଥିଲା। ବୌଦ୍ଧ ବ୍ଲକ କଂଗ୍ରେସ ସଭାପତି ଉମେଶ ତ୍ରିପାଠୀଙ୍କ ନେତୃତ୍ୱରେ ଜିଲ୍ଲା ମୁଖ୍ୟ ମୁଖପାତ୍ର ଶାନ୍ତନୁ କୁମାର ମହାପାତ୍ର, ଜିଲ୍ଲା ଉପସଭାପତି ସମରେଶ ମିଶ୍ର, ଜିଲ୍ଲା ଛାତ୍ର କଂଗ୍ରେସ ସଭାପତି ବିକ୍ରମ ପ୍ରଧାନ, ଜିଲ୍ଲା କଂଗ୍ରେସର ଯୁବ ସଂଯୋଜକ ସୁଶୀଲ ହୋତା, ଉଦ୍ଧବ ବେହେରା, ଗଣ୍ଡାଧର ବିଶି, ଅଭିଳାଷ ସ୍ୱାଇଁ, ଚିତ୍ତ ରଂଜନ ବେହେରା, ପ୍ରଦିପ ଦାସ ଓ ଅର୍ଜ୍ଜୁନ ମହାନନ୍ଦିଆ ପ୍ରମୁଖ ବ୍ଲକ ଘେରାଉ କାର୍ଯ୍ୟକ୍ରମରେ ସାମିଲ ଥିଲେ।
Comments are closed.