ଗୋପାଳପୁର: ଗୋଳନ୍ଥରା ଥାନା ଅଧିନସ୍ଥ ଗୋବିନ୍ଦନଗର ଛକ ଇଣ୍ଡିଆନ ଓଏଲ ପେଟ୍ରୋଲ ପମ୍ପ ତଥା ୧୬ ନଂ ଜାତୀୟ ରାଜପଥ କଡ଼ରୁ ଜଣେ ଯୁବଙ୍କ ମୃତଦେହକୁ ଗୋଳନ୍ଥରା ପୁଲିସ ଉଦ୍ଧାର କରିଛି। ମୃତକ ଜଣକ ହେଲେ ଶ୍ରୀକାକୁଲମ ଜିଲା ଇଚ୍ଛାପୁର ଥାନା ଅଧିନସ୍ଥ ରତକନ୍ନ ଏମ ତିରୁପତି (୩୫) ବୋଲି ପୁଲିସ ସୂଚନା ଦେଇଛି। ସୂଚନା ଅନୁସାରେ ଇଚ୍ଛାପୁରା ଥାନା ଅନ୍ତର୍ଗତ ରତକାନ୍ନର ଏମ.ତିରୁପତି କନିସିରେ ଥିବା ସମ୍ପର୍କୀୟ ଘରକୁ ଯାଉଥିବା ବେଳେ ଜାତୀୟ ରାଜପଥ ଗୋବିନ୍ଦନଗର ନିକଟରେ ଥିବା ଏକ ପେଟ୍ରୋଲ ପମ୍ପ ସମ୍ମୁଖ ରାସ୍ତାରେ ସୋମବାର ରାତିରେ କୌଣସି ଏକ ଅଜଣା ଗାଡି ତିରୁପତିଙ୍କୁ ଧକ୍କା ଦେଇ ଚାଲି ଯାଇଥିବା ଜଣାପଡିଛି। ଗୁରୁତର ଅବସ୍ଥାରେ ତିରୁପତି ରାସ୍ତା ପାର୍ଶ୍ୱରେରେ ପଡି ମୃତ୍ୟୁ ବରଣ କରିଛନ୍ତି। ମଙ୍ଗଳବାର ସକାଳେ ଖବର ପାଇ ଆଇପିଏସ ପ୍ରବେଶନ ଅଙ୍କିତ କୁମାର ବର୍ମା ଓ ଇନ୍ସପେକ୍ଟର ବିବେକାନନ୍ଦ ମହନ୍ତ ଏସଆଇ ଜ୍ଞାନ ରଞ୍ଜନ ସାହୁ ଓ ଅନ୍ୟ ପୋଲିସ ଅଧିକାରୀ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଥିଲେ।
Comments are closed.