ବାଉଁଶୁଣି: ବୌଦ୍ଧ ବ୍ଲକ ର ବାଘ ବ୍ୟାରେଜ ପ୍ରକଳ୍ପ ଆଜ କୁ ଜୁଲାଇ ମାସ ଶେଷ ହେବାକୁ ବସିଲାଣି, ହେଲେ ଜଳ ଯୋଗାଣ କରିବାରେ ବିଫଳ ହେଇଛି। ଯାହାକି ଚାଷୀ ମୁଣ୍ଡରେ ହାତ ମାରି ବସିଛନ୍ତି। ତଳିରୁଆ ପାଇଁ ଚାଷୀ ମାନେ ସବୁ ପ୍ରକାର ସଜବାଜ ହୋଇ ରହିଥିବା ବେଳେ, କେନାଲ ରେ ପାଣି ନାହିଁ। ଉକ୍ତ ଜଳସେଚିତ ଅଞ୍ଚଳ ର ଚାଷୀ ମାନେ ବିଭିନ୍ନ ସମୟରେ ନାନାଦି ପ୍ରକାର ଅସୁବିଧାର ସମ୍ମୁଖୀନ ହେଉଛନ୍ତି। କେତେବେଳେ ଅଳିଆ ଆବର୍ଜନା ଲାଗି କେନାଲ ଭାଙ୍ଗୁଛି ତ କେତେବେଳେ ଉକ୍ତ ବିଭାଗର ଅଧିକାରୀ ମାନଙ୍କ ବୈମାତୃକ ମନଭାବ ଓ ଅବହେଳା ଯୋଗୁଁ କେନାଲ ଭାଙ୍ଗୁଛି। କେନାଲରେ ପାଣି ନ ଆସିବାରୁ ଖଲିଆପାଲି ଓ ମନୁପାଲି ଗ୍ରାମ ପଞ୍ଚାୟତର ଜଳ ସେଚିତ ଅଞ୍ଚଳର ଚାଷୀମାନେ ଉକ୍ତ ବିଭାଗର କନିଷ୍ଠ ଯନ୍ତ୍ରୀଙ୍କୁ ଫୋନ ଯୋଗେ ଯୋଗାଯୋଗ କରିବାରୁ ଉପରେ ମୁଣ୍ଡରେ କେନାଲ ଭାଙ୍ଗି ଯାଇଥିବା କହିଛନ୍ତି ଓ ଦିନେ ଦୁଇଦିନରେ ଠିକ୍ ହୋଇଯିବ ବୋଲି କହିଛନ୍ତି। ଚାଷୀ ମାନଙ୍କ ଆଶା ଭରସା ଉକ୍ତ ବିଭାଗ ଅଧିକାରୀ ମାନଙ୍କ ଉପରେ ଆସୁନାହିଁ। କାରଣ ଯେଉଁ ସମୟରେ ଚାଷୀମାନେ ବିଳରେ ଚାଷ କରିବା କଥା, ସେହି ସମୟରେ ମୁଣ୍ଡରେ ହାତ ମାରି ବସିଛନ୍ତି। ଚାଷୀ ମାନେ ଜଳକର ଦେଉଛନ୍ତି, ହେଲେ ଠିକ ସମୟରେ ପାଣି ନାହିଁ। ଜଳ ସେଚନ ଅଞ୍ଚଳର କେନାଲ ଗୁଡ଼ିକର ରକ୍ଷଣାବେକ୍ଷଣ ଅଭାବ ଯୋଗୁଁ ଏହିପରି ଅସୁବିଧା ହେଉଥିବା କହିଛନ୍ତି ଚାଷୀ। ଜିଲ୍ଲା ପ୍ରଶାସନ ତୁରନ୍ତ ଚାଷୀ ମାନଙ୍କ ଜମିକୁ ଜଳ ଯୋଗାଇ ଦେବାକୁ ଉକ୍ତ ଅଞ୍ଚଳର ଚାଷୀମାନେ ଦାବି କରିଛନ୍ତି।
Popular Categories
Previous article
Next article