ବୌଦ୍ଧ: ବୌଦ୍ଧ ପଞ୍ଚ ଆଇଆରବି ପରିସରରେ ଶନିବାର ବୃକ୍ଷ ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଛି। ବୌଦ୍ଧ ଆଇ.ଆର.ବି ଓ ଶାହା ଚାରିଟେବୁଲ ଟ୍ରଷ୍ଟ ଭୁବନେଶ୍ୱରର ମିଳିତ ସହଯୋଗରେ ଆଇ.ଆର.ବି ପରିସରରେ ୫୦୦ ଆମ୍ବଗଛ ଓ ୧୦୦ ନଡିଆ ଗଛ ରୋପଣ କରାଯାଇଥିଲା। କାର୍ଯ୍ୟକ୍ରମରେ ଆଇ.ଆର.ବିର ଦୁର୍ଗପତି ଦୁର୍ବାସା ନାୟକ, ଉପ ଦୁର୍ଗପତି ଗୋପବନ୍ଧୁ ତ୍ରିପାଠି, ଶ୍ରଦ୍ଧାକର ଧରୁଆ, ବେଲାର ମେହେର ଓ ଆଇଆରବିର ସମସ୍ତ ଯବାନ ଓ ଚାରିଟେବୁଲ ଟ୍ରଷ୍ଟର ଜୀବନ ବାବା ସାମିଲ ହୋଇ ବୃକ୍ଷ ରୋପଣ କରିଥିଲେ। ଏହାର ମୂଳ ଉଦେଶ୍ୟ ହେଲା ବୃକ୍ଷରୋପଣ ଏକ ମହାନ କାର୍ଯ୍ୟ, ଏହାଦ୍ୱାରା ପ୍ରଚୁର ପରିମାଣରେ ଅମ୍ଳଜାନ ମିଳିବା ସହ ପରିବେଶ ସୁରକ୍ଷିତ ହୋଇଥାଏ। କେବଳ ମଣିଷ ନୁୁହେଁ ପଶୁ ପକ୍ଷୀ, କୀଟ ପତଙ୍ଗ ବୃକ୍ଷ ଦ୍ୱାରା ଉପକୃତ ହୁଅନ୍ତି। ଏଣୁ ପରିବେଶ ସୁରକ୍ଷା ଦୃଷ୍ଟିରୁ ଗଛ ନକାଟିବାକୁ ଦୁର୍ଗପତି ଶ୍ରୀ ନାୟକ ପରାମର୍ଶ ଦେଇଥିଲେ। ପୁର୍ବରୁ ବୌଦ୍ଧ ଆଇ.ଆର.ବି.କୁ ସରକାରଙ୍କ ପକ୍ଷରୁ ପ୍ରକୃତି ମିତ୍ର ପୁରସ୍କାର ମିଳି ସାରିଛି।
Comments are closed.