ସମ୍ବଲପୁର,୨୦ା୭(ସିଟି: ରାଜ୍ୟ କଂଗ୍ରେସ ତରଫରୁ ବିଧାୟକ ମହମ୍ମଦ ମୌକିମ ଓ କଂଗ୍ରେସ ନେତା ଚିରଞ୍ଜିବି ବିଶ୍ୱାଳଙ୍କୁ ଦଳରୁ ନିଲମ୍ବିତ କରାଯାଇଛି। ଫଳରେ ସମ୍ବଲପୁରରେ ତାଙ୍କର ସମର୍ଥକ ମାନଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ଗୁରୁବାର ସମ୍ବଲପୁର ସହରର ବୈଦାର ନୂଆପାଲି ଠାରେ ବିଧାୟକ ମହମ୍ମଦ ମୌକିମ ଙ୍କ ସମର୍ଥକ ମାନେ ରାଜ୍ୟ କଂଗ୍ରେସ ସଭାପତି ଶରତ ପଟ୍ଟନାୟକଙ୍କ ଫଟୋ ଚିତ୍ର ଓ କୁଶ ପୁତ୍ତଳିକା ଦାହ କରିଥିଲେ। ଯୁବ ନେତ୍ରୀ ବବିତା ବଡପଣ୍ଡାଙ୍କ ନେତୃତ୍ୱରେ ପ୍ରଥମେ ରାଜ୍ୟ ସଭାପତି ଶରତ ପଟ୍ଟନାୟକଙ୍କ ବିରୋଧରେ ବିଭିନ୍ନ ସ୍ଲୋଗାନ ଦେବା ପରେ ତାଙ୍କର କୁଶପୁତ୍ତଳିକା ଓ ପୋଷ୍ଟର ପୋଡି ଥିଲେ। ଶରତ ପଟ୍ଟନାୟକଙ୍କ ନେତୃତ୍ୱରେ ଦଳ ରାଜ୍ୟରେ ଭୂଷୁଡି ପଡ଼ିଥିବାର ଅଭିଯୋଗ କଂଗ୍ରେସ କର୍ମୀ କରିଥିଲେ।
ବିଧାୟକ ମୌକିମ ଓ ଚିରଞ୍ଜିବୀ ବିଶ୍ୱାଳଙ୍କ ନିଲମ୍ବନକୁ ନେଇ କେନ୍ଦ୍ରୀୟ ହାଇକମାଣ୍ଡ ପୁନଃ ବିଚାର କରିବାକୁ ସେମାନେ ଅନୁରୋଧ କରିଥିଲେ। କାର୍ଯ୍ୟକ୍ରମରେ ବଣ୍ଟି ନାଏକ, ମନୋଜ ମେହେର, କମଳ ଦଣ୍ଡିଆ, ସଞ୍ଜୟ ପଧାନ, କରନ ବେହେରା ଙ୍କ ସମେତ ଅନେକ କଂଗ୍ରେସ କର୍ମୀ ଉପସ୍ଥିତ ରହିଥିଲେ।
Comments are closed.