ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ସାନ କୁଶସ୍ଥଳୀ ଗ୍ରାମର ଜଣେ ଯବାନଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା। ଆଜି ଉକ୍ତ ଯବାନଙ୍କ ପାର୍ଥିବ ଶରୀର ଗାଁରେ ପହଞ୍ଚିବା ପରେ ଶୋକାକୁଳ ପରିବେଶ ମଧ୍ୟରେ ତାଙ୍କର ଶେଷକୃତ୍ୟ ସମ୍ପନ୍ନ କରାଯାଇଥିଲା। ମୃତକ ଜଣକ ଜଣକ ହେଲେ ସେହି ଗ୍ରାମର ସ୍ବର୍ଗତ ଧର୍ମେନ୍ଦ୍ର ସେଠୀ (୪୪) ଯିଏ କି କଲିକତା ଠାରେ ଆର୍ମିରେ ଜେସିଓ ଭାବେ କାର୍ଯ୍ୟରତ ଥିଲେ। ସେ ପ୍ରାୟ ୨୨ ବର୍ଷ ହେବ କାର୍ଯ୍ୟରତ ଥିଲେ। ସେ ବିଭିନ୍ନ ସ୍ଥାନରେ ସୁଚାରୁ ରୁପେ କାର୍ଯ୍ୟ ତୁଲାଇଥିଲେ। ପଦୋନ୍ନତି ପାଇ ପ୍ରାୟ ୩ ମାସ ହେବ କଲିକତା ୩୧୨ ଇଏମଇରେ ଜେସିଓ ଭାବେ କାର୍ଯ୍ୟରତ ଥିଲେ। ଗତ ମେ ମାସ ୬ ତାରିଖରେ ଅଫିସ ଯାଉଥିବା ବେଳେ ପଛ ପଟୁ ଏକ ସ୍କୁଟି ଧକ୍କା ଦେଇଥିଲା। ଫଳରେ ତାଙ୍କ ମୁଣ୍ଡରେ ଗଭୀର ଆଘାତ ଲାଗିଥିଲା। ଗୁରୁତର ଅବସ୍ଥାରେ କଲିକତା ସ୍ଥିତ କମାଣ୍ଡ ମେଡିକାଲରେ ତାଙ୍କର ଚିକିତ୍ସା ଚାଲୁ ରହିଥିଲା। ଗତ୧୭ ତାରିଖରେ ତାଙ୍କର ମୃତ୍ୟୁ ହୋଇଥିଲା। ସ୍ବର୍ଗତ ସେଠୀଙ୍କ ମର ଶରୀରକୁ କଲିକତାର ୨ ଜଣ ଯବାନ ନେଇ ଆଜି ସକାଳେ ସାନ କୁଶସ୍ଥଳୀରେ ପହଞ୍ଚିଥିଲେ। ଗ୍ରାମରେ ଶୋକାକୁଳ ପରିବେଶରେ ରାଷ୍ଟ୍ରୀୟ ସମ୍ମାନର ସହ ଗ୍ରାମ ଶ୍ମଶାନ ଘାଟକୁ ଆଣି ସେଠାରେ ଗାର୍ଡ ଅଫ୍ ଅନ୍ନର ଦେଇ ଶେଷକୃତ୍ୟ ସମ୍ପନ୍ନ କରାଯାଇଛି। ତାଙ୍କ ପରିବାର ଲୋକେ ସାନ କୁଶସ୍ଥଳୀ ଗ୍ରାମର ରହୁଥିବା ବେଳେ ସ୍ତ୍ରୀ ଓ ୨ ଝିଅ ଅଛନ୍ତି।
Popular Categories
Previous article
Next article