ବୌଦ୍ଧ: ରାଜ୍ୟ କ୍ୟାବିନେଟରେ ଅନୁମୋଦନ ଲାଭ କରିଥିବା ମୋ ଘର ଯୋଜନାକୁ ଜିଲାସ୍ତରରେ କାର୍ୟ୍ୟକାରୀ କରାଇବା ପାଇଁ ଜିଲାସ୍ତରୀୟ ବ୍ୟାଙ୍କ ଅଧିକାରୀ ଏବଂ ରାଜସ୍ୱ ବିଭାଗର କ୍ଷେତ୍ର ଅଧିକାରୀମାନଙ୍କ ଏକ ବୈଠକ ଜ଼ିଲ୍ଲା ପରିଷଦ ସମିଳନୀ କକ୍ଷ ରେ ଅନୁଷ୍ଠିତ ହୋଇଯାଇଛି। ଜିଲାପାଳ ସତ୍ୟରଂଜନ ସାହୁଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ମୁଖ୍ୟ କାର୍ୟ୍ୟନିର୍ବାହୀ ଅଧିକାରୀ, ଜ଼ିଲ୍ଲା ପରିଷଦ ଅଶ୍ୱିନୀ ମେହେର, ଡିଡିଏମ ନାବାର୍ଡ ସତ୍ୟ ସ୍ୱରୂପ ବେଦାନ୍ତ, ସହକାରୀ ପ୍ରକଳ୍ପ ନିର୍ଦେଶିକା (ଗ୍ରାମୀଣ ଆବାସ) ସନ୍ଧ୍ୟା ରାଣୀ ମହାପାତ୍ର ଏବଂ ସମସ୍ତ ବ୍ୟାଙ୍କର ମ୍ୟାନେଜର ମାନେ ଯୋଗଦାନ କରିଥିଲେ। ‘ମୋ ଘର’ ଯୋଜନାକୁ ଜିଲ୍ଲାରେ ଠିକ ଭାବେ କାର୍ୟ୍ୟକାରୀ କରିବା ପାଇଁ ଜିଲ୍ଲାପାଳ ନିର୍ଦେଶ ଦେବା ସହିତ ଜିଲ୍ଲାରେ ବଳକା ରହିଥିବା କଚ୍ଚା ଘରକୁ ପକ୍କା ଘରରେ ପରିବର୍ତ୍ତନ କରିବା ଲକ୍ଷ୍ୟରେ ତଥା ନିମ୍ନ ଓ ନିମ୍ନ ମଧ୍ୟବିତ୍ତ ପରିବାର ଉପକୃତ ହେବା ପାଇଁ ଏହି ଯୋଜନା ଉଦ୍ଦିଷ୍ଟ। ଏହି ଯୋଜନାର ସଫଳ କାର୍ୟ୍ୟକାରିତା ଓ ରୂପାୟନ ସହ ଘର ପାଇଁ କିପରି ସହଜ ଋଣ ଯୋଗାଇ ଦିଆଯିବ ସେ ସମ୍ବନ୍ଧରେ ବୈଠକରେ ଜିଲ୍ଲାପାଳ ଗୁରୁତ୍ଵ ଦେଇଛନ୍ତି।
Popular Categories
Previous article
Next article