ସମ୍ବଲପୁର: ସମ୍ବଲପୁର ଧନୁପାଲି ମହାବୀର ପଡ଼ା ନିକଟରେ ବେଆଇନ ଭାବରେ ଚୋରାଚାଲାଣ ହେଉଥିବା ଏକ ଟ୍ରକ ସହ ବିପୁଲ ପରିମାଣର କେନ୍ଦୁପତ୍ର ବନବିଭାଗ ଜବତ କରିଛି। ସୁଚନା ଅନୁସାରେ ଏକ ଟ୍ରକରେ ବେଆଇନ କେନ୍ଦୁପତ୍ର ଚୋରାଚାଲାଣ ହେଉଥିବା ସୁଚନା ପାଇଁ ବନବିଭାଗ ଟ୍ରକକୁ ପିଛା କରି ସମ୍ବଲପୁର ଧନୁପାଲି ମହାବୀର ପଡ଼ା ନିକଟରେ ଟ୍ରକକୁ ଜବତ କରିବା ସହ କେନ୍ଦୁପତ୍ର ଗୁଡ଼ିକୁ ମଧ୍ୟ ଜବତ କରିଥିଲା। ତେବେ ଏହି କେନ୍ଦୁପତ୍ରଟି ମୋଚିବାହାଲ ନିକଟରୁ ଲୋଡ କରାଯାଇ ଚୋରା ଚାଲାଣ କରାଯାଉଥିବା ସୂଚନା ପାଇବା ପରେ ବନବିଭାଗ ଟ୍ରକକୁ ଧରିବା ପାଇଁ ପାଖାପାଖି ୫୦ କିମି ଦୂର ପିଛା କରି ସମ୍ବଲପୁର ଧନୁପାଲି ମହାବୀର ପଡ଼ା ନିକଟରେ ଟ୍ରକକୁ ଜବତ କରିଥିଲା। ଏହି ଘଟଣାରେ ବନବିଭାଗ ଟ୍ରକ୍ ମଧ୍ୟରେ ୧୫୮୪ ବିଡାରେ ଥିବା ୭୭.୯୦ କୁଇଣ୍ଟାଲ କେନ୍ଦୁପତ୍ର ଜବତ କରିଛି। ଏ ସମ୍ପର୍କରେ ମୋଚିବାହାଲର ଟଙ୍କଧର ନାଗ (୧୯) ଓ ଭିମସେନ ଠେଲା (୨୫) ୨ ଜଣକୁ ଗିରଫ କରି ଅଧିକ ତଦନ୍ତ ଜାରି ରଖିଥିବା ବନବିଭାଗ ପକ୍ଷରୁ ସୁଚନା ମିଳିଛି। ଜବତ ହୋଇଥିବା କେନ୍ଦୁପତ୍ର ଓ ଗାଡିର ଆନୁମାନିକ ମୂଲ୍ୟ ୩୦ ଲକ୍ଷରୁ ଅଧିକ ହେବ।
Popular Categories
Previous article
Next article