କଟକ : ମଧ୍ୟପ୍ରଦେଶରେ ଆୟୋଜିତ ଜାତୀୟ ସବ୍ ଜୁନିୟର ବାଳିକା ଫୁଟବଲ ଚମ୍ପିଆନସିପ୍-୨୦୨୪ରେ ଓଡ଼ିଶା ରନର୍ସଅପ ହୋଇଛି। ମଙ୍ଗଳବାର ଖେଳାଯାଇଥିବା ଫାଇନାଲରେ ମଧ୍ୟପ୍ରଦେଶ ୧-୨ ଗୋଲରେ ଓଡ଼ିଶାକୁ ପରାସ୍ତ କରି ଚମ୍ପିଆନ୍ ହୋଇଛି। ଓଡ଼ିଶା ପକ୍ଷରୁ ପୂଜା ଓରାମ ୧୨ ମିନିଟ୍ରେ ଗୋଲ ଦେଇ ଦଳକୁ ୧-୦ରେ ଆଗୁଆ କରିଥିଲେ।
୩୩ ମିନିଟ୍ରେ ମଧ୍ୟପ୍ରଦେଶ ପକ୍ଷରୁ ସୋମନି ଦୁରିଆ ଗୋଲ ଦେଇ ମ୍ୟାଚକୁ ୧-୧ ବରାବର କରିଥିଲେ। ପ୍ରଥମାର୍ଦ୍ଧ ସୁଦ୍ଧା ଖେଳ ୧-୧ ଗୋଲ ବରାବରରେ ଶେଷ ହୋଇଥିଲା। ୬୯ ମିନିଟ୍ରେ ଓଡ଼ିଶା ଆତ୍ମଘାତୀ ଗୋଲ ବରଣ କରିଥିଲା। କୁନ୍ଦନବାଗ ଅମ୍ବାଳିକାଙ୍କ ଆତ୍ମଘାତୀ ଗୋଲ ବଳରେ ମଧ୍ୟପ୍ରଦେଶ ୨-୧ ଗୋଲରେ ଆଗୁଆ ରହିଥିଲା। ଓଡ଼ିଶା ଗୋଲ ବରାବର କରିବାକୁ େଶଷ ମିନିଟ୍ ପର୍ଯ୍ୟନ୍ତ ଉଦ୍ୟମ କରି ବିଫଳ ହୋଇଥିଲା।
ରନର୍ସଅପ ଓଡ଼ିଶା ଦଳକୁ ଫାଓ ସଭାପତି ସମୀର ଦେ, ସମ୍ପାଦକ ଆଶୀର୍ବାଦ ବେହେରା ଓ ଅନ୍ୟ କର୍ମକର୍ତ୍ତାମାନେ ଶୁଭେଚ୍ଛା ଜଣାଇଛନ୍ତି।
Comments are closed.