ମଣିପୁରରେ ପୁଣି ହିଂସା, ଗୁଳିରେ ଗଡ଼ିଲା ୩ ମୁଣ୍ଡ

ଇମ୍ଫାଲ: ମଣିପୁରରେ ହିଂସା ଥମିବାର ନାଁ ନେଉନାହିଁ। ମିଳିଥିବା ସୂଚନା ଅନୁସାରେ, ପୁଣି ମୁହାଁମୁହିଁ ହୋଇଛନ୍ତି ମୈତୀ ଓ କୁକୀ ସମ୍ପ୍ରଦାୟ ଲୋକେ। ଫଳରେ ଗୁଳି ମାଡ଼ରେ ଅକାଳରେ ଯାଇଛି ୩ ଜୀବନ । ବିକ୍ଷୋଭକାରୀ ଅନେକ ଲୋକଙ୍କ ଘରେ ନିଆଁ ଲଗାଇ ଦେଇଛନ୍ତି। ବିଷ୍ଣୁପୁର ପୁଲିସ୍‌ ପକ୍ଷରୁ ମିଳିଥିବା ସୂଚନା ଅନୁଯାୟୀ, ପରିସ୍ଥିତି ଅଣାୟତ୍ତ ହେବା ସହ ଉଭୟ ପକ୍ଷ ମୁହାଁମୁହିଁ ହୋଇଥିଲେ।  ମୈତୀ ସମ୍ପ୍ରଦାୟର ୩ ଲୋକଙ୍କୁ ହତ୍ୟା କରାଯାଇଛି। ତେବେ ଏହି ଘଟଣା ପରେ ମଣିପୁରର ଇମ୍ଫାଲ ଓ ପଶ୍ଚିମ ଇମ୍ଫାଲ ଜିଲାରେ କୋହଳ କରାଯାଇଥିବା କର୍ଫ୍ୟୁକୁ ପୁଣି ଥରେ କଡ଼ାକଡ଼ି କରାଯାଇଥିଲା । ସ୍ଥିତି ନିୟମନ୍ତ୍ରଣ କରିବାକୁ ପ୍ରଶାସନର ସବୁ ପ୍ରକାର ପ୍ରଚେଷ୍ଟା ବିଫଳ ହୋଇଛି। ହିଂସା ରୋକିବାକୁ ପ୍ରଶାସନ ଅଦ୍ୟାବଧି ଉଦ୍ୟମ ଜାରି ରଖିଛି।