ଭୁବନେଶ୍ୱର: ନିକଟ ଭବିଷ୍ୟତରେ ନନ୍ଦନକାନନର ପ୍ରସ୍ତାବିତ ରୋପ୍ ୱେ କାର୍ଯ୍ୟକାରୀ ହେବାର ସମ୍ଭାବନା କମ୍। ଏହି ପ୍ରକଳ୍ପ କାର୍ଯ୍ୟକାରୀ ପୂର୍ବରୁ ଜନଶୁଣାଣି କରିବାକୁ ଓଡ଼ିଶା ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ କହିଛନ୍ତି। ନନ୍ଦନକାନନରେ ରୋପ୍ ୱେ ପ୍ରକଳ୍ପ ଦ୍ୱାରା ଏହାର ଆଖପାଖର ପାଞ୍ଚଟି ଜନବସତିର ବାସିନ୍ଦା ପ୍ରଭାବିତ ହେବାର ଆଶଙ୍କା ରହିଥିବା ଦର୍ଶାଇ ପ୍ରଦୂଷଣ ବୋର୍ଡ ଖୋର୍ଦ୍ଧା ଜିଲାପାଳଙ୍କୁ ପତ୍ର ଲେଖି ଜନଶୁଣାଣି ଆୟୋଜନ କରିବାକୁ ଅନୁରୋଧ କରିଥିଲା। ୭୦୦ ମିଟର ଦୀର୍ଘ ରୋପ୍ ୱେରେ ଚାଲୁଥିବା କେବଲ୍ କାର ୨୦୧୪ରେ ବନ୍ଦ ହୋଇଯାଇଥିଲା। କୌଣସି କମ୍ପାନୀ ରାଜି ନ ହେବାରୁ ପ୍ରକଳ୍ପର ପୁନଃକାର୍ଯ୍ୟକାରୀ ଉଦ୍ୟମ ବିଫଳ ହୋଇଥିଲା। ୨୦୧୭ରେ କୋଲକତା ସ୍ଥିତ ଏକ କମ୍ପାନୀ ଆଗ୍ରହ ଦେଖାଇଥିଲେ ମଧ୍ୟ ଜନଶୁଣାଣି ହୋଇ ନଥିବାରୁ ଅନୁମତି ମିଳି ନ ଥିଲା।
