ଚୌଦ୍ୱାର : ଟାଙ୍ଗୀ ସ୍ଥିତ କୋଭିଡ କେୟାର କେନ୍ଦ୍ରରେ ଚିକିତ୍ସିତ ହେଉଥିବା ଚୌଦ୍ୱାର ବାଣିପଦା ପଞ୍ଚାୟତ ଦେବୀନଗର ଗ୍ରାମର ସୁକୁମାର ସୁବୁଦ୍ଧିରାୟଙ୍କ ବେକରେ ଛୁରୀ ଭୁଷି ମୃତ୍ୟୁ ହେବା ଭଳି ଅସ୍ୱଭାବିକ ଘଟଣାର ପ୍ରକୃତ ସତ୍ୟ ଲୋକ ଲୋଚନକୁ ଆଣିବାପାଇଁ ଚୌଦ୍ୱାର ନଗର କଂଗ୍ରେସ ତରଫରୁ ଦାବି କରାଯାଇଛି। ସୁକୁମାରଙ୍କ ମୃତ୍ୟୁ ଘଟଣା ହତ୍ୟା କି ଆତ୍ମହତ୍ୟା ତଦନ୍ତ କରାଯାଇ ପ୍ରକୃତ ସତ୍ୟ ଲୋକ ଲୋଚନକୁ ଆଣିବା ଓ ମୃତ ସୁକୁମାରଙ୍କ ପରିବାରକୁ ୫୦ଲକ୍ଷ ଟଙ୍କାର କ୍ଷତି ପୁରଣ ପ୍ରଦାନ ପାଇଁ ଦଳ ତରଫରୁ ଦାବି କରାଯାଇଛି। ନଗର କଂଗ୍ରେସ ସଭାପତି ବିଜୟ କୁମାର ବେହେରାଙ୍କ ନେତୃତ୍ୱରେ ପିସିସି ସଭ୍ୟ ରାଜୀବ ମହାନ୍ତି,ମହିଳା କଂଗ୍ରେସର ମୋନାଲିସା ଦାସ, ସମ୍ପାଦକ ହରିହର ପରିଡ଼ା, ଏସ୍ କେ ସବୀର, ବିଜୟ ଦାସ ପ୍ରମୁଖ ଚୌଦ୍ୱାର ଏସ୍ଡିପିଓ ସତ୍ୟବ୍ରତ ଲେଙ୍କାଙ୍କୁ ଭେଟି ଏ ସଂକ୍ରାନ୍ତରେ ଏକ ଦାବିପତ୍ର ପ୍ରଦାନ କରିଛନ୍ତି।
ସୂଚନାଯୋଗ୍ୟଯେ ସୁକୁମାର କୋଭିଡ କେୟାର କେନ୍ଦ୍ରରୁ ସୁସ୍ଥ ହୋଇ ଘରକୁ ଫେରିବା ପାଇଁ ଫୋନ କରିବାର କିଛି ସମୟ ପରେ ବେକରେ ଛୁରୀ ଭୁଷି ଆତ୍ମହତ୍ୟା କରିବା ଘଟଣାକୁ ତାଙ୍କ ପରିବାର ଲୋକ ଓ ଚୌଦ୍ୱାରର ଜନସାଧାରଣ ସହଜରେ ଗ୍ରହଣ କରିପାରୁ ନାହାନ୍ତି। କୋଭିଡ କେୟାର କେନ୍ଦ୍ରରେ ସିସିଟିଭିର ବ୍ୟବସ୍ଥା ନଥିବା ଓ ସେଠାରେ ସୁରକ୍ଷା ବ୍ୟବସ୍ଥାକୁ ନେଇ ମଧ୍ୟ କଂଗ୍ରେସ କର୍ମୀ ମାନେ ଅସନ୍ତୋଷ ବ୍ୟକ୍ତ କରିଛନ୍ତି।
ଚୌଦ୍ୱାର ନଗର କଂଗ୍ରେସ ତରଫରୁ ସୁକୁମାର ମୃତ୍ୟୁ ଘଟଣାର ତଦନ୍ତ ଦାବି
Popular Categories
Previous article
Next article