ନବରଙ୍ଗପୁର: ନବରଙ୍ଗପୁର ଜିଲ୍ଲା କୋଷାଗୁମୁଡା ବ୍ଲକ ଠାରେ ଆୟୋଜିତ ବିଜେଡି ପ୍ରତିଷ୍ଠା ଦିବସ ଉପଲକ୍ଷେ ନବରଙ୍ଗପୁର ସାଂସଦ ରମେଶ ମାଝୀ ଓ ଡାବୁଗାଁ ବିଧାୟକ ମନହର ରନ୍ଧାରୀଙ୍କ ମୋଟର ସାଇକେଲ ସଭା ଯାତ୍ରାକୁ କୋଷାଗୁମୁଡା ବସଷ୍ଟାଣ୍ଡ ଛକରେ ଅଟୋକାଇଲେ କୋଷାଗୁମୁଡା ଯୁବକ ସଙ୍ଘ। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କିଛି ଦିନ ତଳେ କୋଷାଗୁମୁଡାର ବିକାଶ ପାଇଁ ଏକ ନୂତନ ବସଷ୍ଟାଣ୍ଡ କରିବା ପାଇଁ ଶିଳାନ୍ୟାସ କରିଥିଲେ। ଏହି ଶିଳାନ୍ୟାସ ନବରଙ୍ଗପୁର କଲେକଟର ଓ ଡାବୁଗାଁ ବିଧାୟକ ମନହର ରନ୍ଧାରୀଙ୍କ ଉପସ୍ଥିତିରେ ହେଇଥିଲା। କିନ୍ତୁ ଅଚାନକ ଭାବରେ କୋଷାଗୁମୁଡା ଠାରେ ହେବାକୁ ଥିବା ନୂତନ ବସଷ୍ଟାଣ୍ଡକୁ ସ୍ଥାନାନ୍ତର କରି କୋଡୀଙ୍ଗାରେ କରାଯିବ ବୋଲି ବିଭିନ୍ନ ସୂତ୍ରରୁ ବିଭିନ୍ନ ଗଣମାଧ୍ୟମରେରେ ଖବର ପ୍ରକାଶ କରାଗଲା। ଯାହା ବିରୁଦ୍ଧରେରେ ଆଜି କୋଷାଗୁମୁଡା ଯୁବକ ସଙ୍ଘ ପ୍ରତିବାଦ ସ୍ୱରୂପ ବିଜେଡି ମୋଟର ସାଇକଲେ ଶୋଭାଯାତ୍ରାରେ ଯାଉଥିବା ସାଂସଦ ରମେଶ ମାଝୀ ଓ ବିଧାୟକ ରନ୍ଧାରୀଙ୍କୁ ଅଟକାଇ ଥିଲେ।
ଯୁବକ ସଙ୍ଘର ଯୁବକମାନେ ସାଂସଦ ରମେଶ ମାଝୀଙ୍କୁ ସିଧା ସଳଖ ବସଷ୍ଟାଣ୍ଡ କୋଡୀଙ୍ଗା ସ୍ଥାନାନ୍ତର ବିରୁଦ୍ଧରେ ପ୍ରତିବାଦ କରିଥିଲେ। ପୂର୍ବରୁ ମଧ୍ୟ୍ୟ କୋଷାଗୁମୁଡା ବ୍ଲକ ହେଡ କ୍ୱାଟର ଠାରେ ଏକଲବ୍ୟ ସ୍କୁଲ ପାଇଁ ସରକାରଙ୍କ ଚିଠି ପତ୍ର ଆସିଥିଲା। କିନ୍ତୁ ତାହାକୁ ମଧ୍ୟ୍ୟ ସ୍ଥାନାନ୍ତର କରାଯାଇଛି ବୋଲି ଆଜି କୋଷାଗୁମୁଡା ଯୁବକ ସଙ୍ଘର ସଦସ୍ୟମାନେ ପ୍ରଶାସନର ଏଭଳି ନୀତିକୁ ତୀବ୍ର ବିରୋଧ କରିଛନ୍ତି। ଦାବି ପୂରଣ ନ ହେଲେ ଆଗାମୀ ଦିନରେ କୋଷାଗୁମୁଡା ଯୁବକ ସଙ୍ଘ ବ୍ଲକ ଘେରାଉ କରି ରାଜରାସ୍ତାକୁ ଓହ୍ଲାଇବା ସହ ଆଗାମୀ ନିର୍ବାଚନକୁ ବହିଷ୍କାର କରିବା ପାଇଁ ସାଂସଦ ଓ ବିଧାୟକଙ୍କୁ ସୂଚାଇଛନ୍ତି।
