ନବରଙ୍ଗପୁର : ନବରଙ୍ଗପୁର ଜିଲ୍ଲାର ଖେଳାଳି ମାନେ ୪ର୍ଥ ରାଜ୍ୟସ୍ତରୀୟ ପେନଚାକ ସିଲାଟ ପ୍ରତିଯୋଗିତାରେ ୧୮ ଟି ପଦକ ହାସଲ କରି ଜିଲ୍ଲା ପାଇଁ ଗୌରବ ଆଣିଦେଇଛନ୍ତି । ବରଗଡ଼ ଜିଲ୍ଲାରେ ଆୟୋଜିତ ଏହି ପ୍ରତିଯୋଗିତାରେ ରାଜ୍ୟର ୧୫ ଟି ଜିଲ୍ଲା ରୁ ୩୦୦ରୁ ଉର୍ଦ୍ଧ୍ବ ଖେଳାଳି ଭାଗ ନେଇଥିଲେ । ନବରଙ୍ଗପୁର ଜିଲ୍ଲାରୁ ୧୩ ଜଣ ପ୍ରତିଯୋଗୀ ପ୍ରତିଯୋଗିତାରେ ଅଂଶଗ୍ରହଣ କରି ୭ଟି ସ୍ଵର୍ଣ୍ଣ , ୭ଟି ରୋପ୍ୟ ଓ ୪ କାଂସ୍ୟ ପଦକ ସହ ମୋଟ ୧୮ ଗୋଟି ପଦକ ହାସଲ କରି ଜିଲ୍ଲା ପାଇଁ ଗୌରବ ଆଣି ଦେଇଛନ୍ତି। ଏହି ପ୍ରତିଯୋଗିତାରେ ତେଜେଶ୍ୱନି ପୂଜାରୀ ୨ଟି ସ୍ୱର୍ଣ୍ଣ, ଅଂଶୁମାନ ବେହେରା, ରିତିକ ହରିଜନ, ଋଷିକେଶ ହରିଜନ ଧନୁର୍ଜୟ ପାଣ୍ଡି ଓ ଗୋପାଳ ଦଣ୍ଡସେନା ପ୍ରମୁଖ ଗୋଟିଏ ଲେଖାଏଁ ସ୍ଵର୍ଣ୍ଣ ପଦକ ହାସଲ କରିଥିବା ବେଳେ ଆଶୁତୋଷ ପୂଜାରୀ, ଶୁଭମ୍ ପୁରୀ ୨ଟି ଲେଖାଏଁ ରୋପ୍ୟ ପଦକ ହାସଲ କରିଥିବା ବେଳେ ଡିମ୍ପଲ୍ ପାତ୍ର, ଅଙ୍କିତ ବେହେରା ଓ ହିମାଂଶୁ ପଟ୍ଟନାୟକ ଗୋଟିଏ ଲେଖାଏଁ ରୋପ୍ୟ ପଦକ ହାସଲ କରିଛନ୍ତି। ସେହିପରି ଆଦିତ୍ୟ ସାମନ୍ତରାୟ ୨ଟି କାଂସ୍ୟ ପଦକ ହାସଲ କରିଥିବା ବେଳେ ଆରୀୟନ ବିଷୋୟୀ ଓ ହିମାଂଶୁ ପଟ୍ଟନାୟକ ଗୋଟିଏ ଲେଖାଏଁ କାଂସ୍ୟ ପଦକ ହାସଲ କରି ଜିଲ୍ଲା ପାଇଁ ଗୌରବ ଆଣିଛନ୍ତି । ନବରଙ୍ଗପୁର ଜିଲ୍ଲା ପେନଚାକ ସିଲାଟର ପ୍ରଶିକ୍ଷକ ହରିଶ ବେହେରା, ଡମୁ ପୂଜାରୀ ଓ ରାଜୀବ ପୂଜାରୀଙ୍କ ଚେଷ୍ଟା ଓ ଉଦ୍ୟମରେ ଖେଳାଳି ମାନେ ଏହି ସଫଳତା ହାସଲ କରିଥିବା ଖେଳାଳିଙ୍କ ଅଭିଭାବକ ମାନେ କହିଛନ୍ତି ।
Popular Categories
Previous article
Next article