ପାଟଣା: ରାଜସ୍ଥାନ ସିକରର ପ୍ରସିଦ୍ଧ ଶ୍ରୀ ଖାଟୁଶ୍ୟାମ ଧାମ ଠାରେ ରୂକବେଦୀୟ ପୂର୍ବଧାମ ଗୋବର୍ଦ୍ଧନ ପିଠାଧିସର ଅନନ୍ତ ବିଭୂଷିତ ସ୍ୱାମୀ ନିଶ୍ଚଳାନନ୍ଦ ସରସ୍ୱତୀ ମହାରାଜଙ୍କ ଦିବ୍ୟ ଉପସ୍ଥିତିରେ ୨୫ତମ ସାଧନା ଓ ରାଷ୍ଟ୍ରରକ୍ଷା ଶିବିର ଓ ହିନ୍ଦୁ ରାଷ୍ଟ୍ର ସଂଗୋଷ୍ଠୀର ଭବ୍ୟ ଆୟୋଜନ ଚଳିତ ମାସ ୨୭ ତାରିଖରୁ ଆରମ୍ଭ ହୋଇ ୨୯ ତାରିଖରେ ଉଦଯାପିତ ହେବ। ଏହି କାର୍ଯ୍ୟକ୍ରମରେ ପୁରୀ ଗୋବର୍ଦ୍ଧନ ପିଠାଧିସର ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ୱତୀ ଜୀ ମହାରାଜ ମୁଖ୍ୟ ଅତିଥି ଭାବେ ଉପସ୍ଥିତ ଶିବିରକୁ ଉଦଘାଟନ କରିଥିଲେ। ଉକ୍ତ କାର୍ଯ୍ୟକ୍ରମରେ ଯୋଗଦେବା ପାଇଁ ଓଡ଼ିଶାର ଆଦିତ୍ୟ ବାହିନୀ ଓ ଆନନ୍ଦ ବାହିନୀର ସମସ୍ତ ଜିଲ୍ଲା ସ୍ତରୀୟ କାର୍ଯ୍ୟକର୍ତ୍ତା ମାନେ ଯୋଗ ଦେଇଥିଲେ। ଆଦିତ୍ୟବାହିନୀର ରଘୁନାଥ ମହାନ୍ତ ଓ ମହେଶ ତ୍ରିପାଠୀଙ୍କ ନେତୃତ୍ୱରେ ରାଜସ୍ଥାନ ଯାଇ କାର୍ଯ୍ୟକ୍ରମରେ ଯୋଗଦାନ କରିଛନ୍ତି। କେନ୍ଦୁଝର ଜିଲ୍ଲା ଆଦିତ୍ୟ ବାହିନୀର କ୍ଷେତ୍ରୀୟ ସଂପାଦକ ପ୍ରହ୍ଲାଦ ମହାନ୍ତ, ଦୁର୍ଯ୍ୟୋଧନ ମହାନ୍ତ, ବିଶ୍ବମ୍ବର ଓଝା, ଭୁବନାନନ୍ଦ ଦାଶ, ବରଗଡ଼ ଜିଲ୍ଲା ଆଦିତ୍ୟ ବାହିନୀ ର ରାମଚନ୍ଦ୍ର ଷଡ଼ଙ୍ଗୀ, ବିଜୟ କୁମାର ମିଶ୍ର, ରଞ୍ଜନ କୁମାର, ଅଜୟ ଗୋଛିକାର, ଲିଲିବାଲା ପ୍ରମୁଖଙ୍କ ସହିତ ଓଡ଼ିଶାର ସମସ୍ତ ଜିଲ୍ଲା ସ୍ତରୀୟ କର୍ମକର୍ତ୍ତା ମାନେ ଗସ୍ତକ୍ରମରେ ସାମିଲ ହୋଇଛନ୍ତି।
Comments are closed.