କଲକାତା : ତୃଣମୂଳ କଂଗ୍ରେସ (ଟିଏମ୍ସି) ସୁପ୍ରିମୋ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ଶନିବାର ହେଲିକପ୍ଟରରେ ଯାତ୍ରା କରୁଥିବାବେଳେ ଝୁଣ୍ଟିପଡି ଆହତ ହୋଇଛନ୍ତି। ମମତା ଦୁର୍ଗାପୁରରୁ ଆସାନସୋଲ ଯାତ୍ରା କରୁଥିଲେ। ତେବେ ଅସ୍ଥାୟୀ ପାହାଚରେ ଚଢି ମମତା ହେଲିକପ୍ଟର ମଧ୍ୟରେ ସିଟ୍ରେ ବସିବାକୁ ଯାଉଥିବାବେଳେ ଭାରସାମ୍ୟ ହରାଇ ତଳେ ପଡିଯାଇଥିଲେ। ନିକଟରେ ଥିବା ସୁରକ୍ଷା କର୍ମୀ ତାଙ୍କୁ ଉଦ୍ଧାର କରି ସିଟ୍ରେ ବସାଇଥିଲେ। ଏହି ଘଟଣାରେ ମମତା ସାମାନ୍ୟ ଆହତ ହୋଇଥିବା ଜଣାପଡିଛି। ସୂଚନାଯୋଗ୍ୟ କିଛି ମାସ ପୂର୍ବେ ମମତା କଲକାତାସ୍ଥିତ ବାସଭବନରେ ପଡିଯିବାରୁ ମୁଣ୍ଡ ଫାଟିଯାଇଥିଲା। ୨୦୨୩ ଜୁନରେ ତାଙ୍କ ହେଲିକପ୍ଟର ସିଲିଗୁଡିରେ ଜରୁରୀ ଅବତରଣ କରିବାରୁ ମମତା ଗୋଡରେ ଆଘାତ ପାଇଥିଲେ।
Comments are closed.