ଗୋପାଳପୁର : ଜାତୀୟ ରାଜପଥ ନଂ ୧୬ ହଳଦିଆ ପଦର ଚକ୍ର ଅନତିଦୂରରେ ଆଜି ରାତି ପ୍ରାୟ ୮ ଟା ୩୦ ମିନିଟ ସମୟରେ ମୋଟରସାଇକେଲରେ ଯାଉଥିବା ଦୁଇଜଣ ଯୁବକଙ୍କୁ କାରରେ ଆସି ଅପହରଣ କରାଯାଇଥିବା ଜଣାପଡିଛି। ଅଭିଯୋଗ ଅନୁଯାୟୀ ମୋଟରସାଇକେଲ (ଓ ଆର ୩୧ କେ ୫୯୦୧) ଯୋଗେ ବ୍ରହ୍ମପୁର ଯାଉଥିବାବେଳେ ହଳଦିଆ ପଦରଠାରେ ଥିବା ରାଜାରାଣୀ ଆବାସ ସମ୍ମୁଖରେ କାରରେ ଜୋରଜବରଦସ୍ତ ମୋଟରସାଇକେଲରେ ଯାଉଥିବା ଦୁଇ ଯୁବକଙ୍କୁ ଅପହରଣ କରିଥିଲେ। ଅପହରଣ ପରେ କାରଟି ଭୁବନେଶ୍ବର ପଟକୁ ଦ୍ରୁତ ଗତିରେ ପଳାଇଯାଇଥିବା ଜଣାପଡିଛି। ବର୍ତ୍ତମାନ ରାସ୍ତା କଡରେ ମୋଟରସାଇକେଲଟି ପଡ଼ି ରହିଥିବାବେଳେ ଗୋଳନ୍ଥରା ଓ ଗୋଷାଣୀ ନୂଆଗାଁ ଥାନା ଇଲାକାରେ ଏହା ଆସୁଛି ନା ନାହିଁ ତାହା ଜଣାପଡ଼ିବା ପରେ ପୁଲିସ ପକ୍ଷରୁ ତଦନ୍ତ ଆରମ୍ଭ ହେବ ବୋଲି ଜଣାପଡିଛି ।
Comments are closed.