ଭୁବନେଶ୍ବର : ଲକ୍ଷେଶ୍ୱର ପ୍ରଡକ୍ସନ ବ୍ୟାନରରେ ପ୍ରସ୍ତୁତ ତଥା ସୌରଭ ପାଢ଼ୀଙ୍କ ପ୍ରଯୋଜିତ ଚଳଚ୍ଚିତ୍ର “ଚକ୍ରାନ୍ତ” ର ଟାଇଟଲ ଘୋଷଣା ହୋଇଯାଇଛି। ଏ ଚଳଚ୍ଚିତ୍ରର ଚିତ୍ରନାଟ୍ୟ ଓ ନିର୍ଦ୍ଦେଶନା ଦାୟିତ୍ୱରେ ପିନୁ ନାୟକ ଅଛନ୍ତି। କାହାଣୀ ରଚନା କରିଛନ୍ତି ଦିଶା ପାଢ଼ୀ ଓ ସଂଳାପ ରଚନା କରିଛନ୍ତି ଜିତେନ୍ଦ୍ର କୁମାର ବରାଳ ।
ରହସ୍ୟ ଓ ରୋମାନ୍ସ ସହ ସଙ୍ଘର୍ଷରତ ପୁଅ ଓ ଝିଅର ଭବିଷ୍ୟତ ସମୟରେ ଆସୁଥିବା ସମସ୍ୟା ଓ ସମାଧାନ କଥା କହିବ ଏ କାହାଣୀ । କାହାଣୀରେ ଫ୍ୟାମିଲି ଡ୍ରାମା , ଲଭ , ରୋମାନ୍ସ ,ଯୁବପିଢ଼ିଙ୍କ ସଂଘର୍ଷ ଓ ଭବିଷ୍ୟତ ସମୟର ଗତିବିଧି ଉପରେ ଆଲୋକପାତ କରାଯାଇଛି । କାହାଣୀରେ ଦୋଳ ପର୍ବକୁ ମଧ୍ୟ ଦର୍ଶାଯାଇଛି। ସିନେମାରେ ଗାଁ ପରିବେଶ ତଥା ଆମ ମାଟିର ବାସ୍ନା ଦର୍ଶକ ପାଇବେ ବୋଲି କହିଛନ୍ତି ନିର୍ମାତା । ମୁଖ୍ୟ ଭୂମିକାରେ ଶୁଭାଶିଷ ଶର୍ମା , ହରିହର ମହାପାତ୍ର , ଭୂମିକା , ଧରିତ୍ରୀ ଖଣ୍ଡୁଆଳ , ଚୌଧୁରୀ ଜୟପ୍ରକାଶ ଦାସ ନଜର ଆସିବେ ।
Comments are closed.