ଚିନାବାଦାମ ଖାଇବାକୁ ପ୍ରାୟ ସମସ୍ତେ ପସନ୍ଦ କରନ୍ତି । ସନ୍ଧ୍ୟା ସମୟରେ ହେଉ ଅବା ଟାଇମ୍ ପାସ୍ କରିବାକୁ ହେଉ ଚିନାବାଦାମ ଖାଇବାର ମଜା ନିଆରା । କେବଳ ଟାଇମ୍ ପାସ୍ ତାହା ନୁହେଁ, ଏହା ସ୍ବାସ୍ଥ୍ୟ ପାଇଁ ମଧ୍ୟ ଉତ୍ତମ ଅଟେ । ତେବେ ଆସନ୍ତୁ ଜାଣିବା ଚିନାବାଦାମ ଖାଇଲେ କି ଲାଭ ମିଳେ ।
୧. ଚିନାବାଦାମରେ ଭିଟାମିନ୍ ଇ, ବି୬ ଭରପୁର ମାତ୍ରାରେ ରହିଥାଏ । ଏହା ଦ୍ବାରା ଶରୀରକୁ ଶକ୍ତି ମିଳିଥାଏ ।
୨. ଏଥିରେ ଥିବା କ୍ୟାଲସିୟମ୍, ଭିଟାମିନ୍ ଡି ହାଡକୁ ମଜଭୁତ କରିଥାଏ ।
୩. ଚିନାବାଦାମ ଖାଇବା ଦ୍ବାରା କୋଷ୍ଠ କାଠିନ୍ୟ ସମସ୍ୟା ମଧ୍ୟ ଦୂର ହୋଇଥାଏ ।
୪. ଏଥିରେ ଭରପୁର ମାତ୍ରରେ ରହିଥିବା ଓମେଗା ୬ ତ୍ବଚାକୁ ନମନୀୟ ରଖିବାରେ ସାହଯ୍ୟ କରେ ।
୫. ଏହା ଉଭୟ ପୁରୁଷ ଓ ମହିଳାଙ୍କ ପାଇଁ ଲାଭଦାୟକ ଅଟେ । କାରଣ ଏହା ଦ୍ବାରା ହରମୋନ ସନ୍ତୁଳିତ ରହିଥାଏ ।
୬. ଚିନାବାଦାମ ସେବନ ଦ୍ବାରା ହୃଦଘାତ ଜନିତ ରୋଗର ଆଶଙ୍କା କମ୍ ରହିଥାଏ । ଏହା କୋଲେଷ୍ଟର ନିୟନ୍ତ୍ରିତ ରଖିବାରେ ସାହାଯ୍ୟ କରେ।
୭. ଏଥିରେ ଥିବା ଆଣ୍ଟି-ଅକ୍ସିଡେଣ୍ଟ୍ ଦ୍ବାରା ଚେହେରାରେ ବୟସର ଛାପ ପଡେ ନାହିଁ ।
୮. ଗର୍ଭସ୍ଥ ଶିଶୁ ପାଇଁ ମଧ୍ୟ ଏହା ଲାଭକାରୀ ଅଟେ । ଏହା ଦ୍ବାରା ଗର୍ଭରେ ବଢୁଥିବା ଶିଶୁର ବିକାଶ ଭଲ ଭାବେର ହୋଇଥାଏ ।
