ଡେସ୍କ: ବରେଲୀରେ ତାର୍ଜନ ଚାଚାଙ୍କୁ କିଏ ନ ଜାଣେ। ୮୫ ବର୍ଷୀୟ ଚାଚାଙ୍କ ପ୍ରକୃତ ନାମ ହେଉଛି ମହମ୍ମଦ ସଇଦ୍। ଯୁବକ ଥିବାବେଳେ ସେ ଗୋଟିଏ ମୋଟରସାଇକଲ କିଣିଥିଲେ। ପ୍ରତିଦିନ ସେ କଜ୍ଜଳ ବ୍ୟବସାୟ କରିବାକୁ ମୋଟରସାଇକଲ ଚଢ଼ି ଗନ୍ତବ୍ୟ ସ୍ଥଳକୁ ଯାଉଥିଲେ। ସମୟକ୍ରମେ ଚାଚା ତାଙ୍କ ପ୍ରିୟ ମୋଟରସାଇକଲରେ ନିଜ ସୁବିଧା ଅନୁସାରେ କେତୋଟି ପରିବର୍ତ୍ତନ କଲେ। ମୋଟରସାଇକଲକୁ ଚାଚା କହିଲେ ତାହା ଚାଲୁ ହୁଏ। ଗୀତ ବଜାଇବାକୁ ନିର୍ଦେଶ ଦେଲେ, ପୁରୁଣା ଗୀତ ବାଜିଥାଏ। ମୋଟରସାଇକଲରେ ଦୁଇଟି ବଡ଼ବଡ଼ ସ୍ପିକର୍ ମଧ୍ୟ ଲାଗିଛି। ଗାଡ଼ିରେ ଛୋଟ ଏଟିଏମ୍ ବାକ୍ସଟେ ଖଞ୍ଜା ହୋଇଛି। ଚାଚା ନିର୍ଦେଶ ଦେଲେ ସେହି ଏଟିଏମ୍ରୁ ୧୦ ଟଙ୍କିଆ ମୁଦ୍ରା ବାହାରେ। ଚାଚା ରାସ୍ତାକୁ ଗାଡ଼ି ଧରି ବାହାରିଗଲେ, ଦେଖଣାହାରୀଙ୍କ ଭିଡ଼ ଜମିଯାଉଛି। ସମସ୍ତେ ସେଲ୍ଫି ଉଠାଇ ସାମାଜିକ ଗଣମାଧ୍ୟମରେ ଏହି ମୋଟରସାଇକଲ ଫଟୋ ଅପଲୋଡ କରୁଛନ୍ତି।
Comments are closed.