ଫୁଲବାଣୀ: ଫୁଲବାଣୀ ବିଧାନସଭା ନିର୍ବାଚନମଣ୍ଡଳୀରେ ସାଂସଦ ପ୍ରାର୍ଥୀ ଡକ୍ଟର ଅଚ୍ୟୁତ ସାମନ୍ତ ଓ ବିଧାୟକ ପ୍ରାର୍ଥୀ ଜୟଶ୍ରୀ କହଁର ମଙ୍ଗଳବାର ମାରାଥନ ପଥପ୍ରାନ୍ତ ପ୍ରଚାର ଓ ରୋଡ଼ ଶୋ’ କରିଛନ୍ତି। ସାଂସଦ ଓ ବିଧାୟକ ପ୍ରାର୍ଥୀ ଫୁଲବାଣୀ ବିଧାନସଭା ନିର୍ବାଚନମଣ୍ଡଳୀର ଫିରିଙ୍ଗିଆ ବ୍ଲକର ସଲାଗୁଡା, ଗୋଛାପଡା, ପଲାବୃଡି, କାଶିନିପଦର, ଭୃଙ୍ଗୀଯୋଡି, କେଳାପଡା ଆଦି ପଞ୍ଚାୟତରେ ଜନ ସମ୍ପର୍କ ପଥପ୍ରାନ୍ତ ସଭାରେ ଯୋଗଦେଇଥିଲେ। ସେହିଭଳି ଫିରିଙ୍ଗିଆ ହାଟରେ ରୋଡ଼ ଶୋ’ କରିଥିଲେ ଅଚ୍ୟୁତ ସାମନ୍ତ ଓ ଜୟଶ୍ରୀ କହଁର। ପଥପ୍ରାନ୍ତ ସଭାରେ ଉଦବୋଧନ ଦେଇ ଶ୍ରୀ ସାମନ୍ତ କହିଥିଲେ ଯେ, ବିକାଶ ପୁରୁଷ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ଓଡ଼ିଶାରେ ପ୍ରଗତିର ରଥ ଆଗେଇ ଚାଲିଛି। ଓଡ଼ିଶାକୁ ଭାରତର ଏକ ଶ୍ରେଷ୍ଠ ରାଜ୍ୟରେ ପରିଣତ କରିବା ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ୬ଷ୍ଠ ଥର ପାଇଁ ମୁଖ୍ୟମନ୍ତ୍ରୀ କରିବା ନିମନ୍ତେ ସମସ୍ତେ ଆଶୀର୍ବାଦ ପ୍ରଦାନ କରିବାକୁ ସେ ଜନସାଧାରଣଙ୍କୁ ନିବେଦନ କରିଥିଲେ। ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ବର୍ତ୍ତମାନର ଫୁଲବାଣୀ ବିଧାୟକ ଅଙ୍ଗଦ କହଁର, ବିଜେଡି ନେତ୍ରୀ ପୁନମ କହଁର, ଫିରିଙ୍ଗିଆ ବ୍ଲକ ଅଧ୍ୟକ୍ଷା ନମିତା କହଁର, ବିଜେଡି ନେତା ସତ୍ୟନାରାୟଣ ବେହେରା, କୈଳାସ ମୁଖୀ ପ୍ରମୁଖ ଉପସ୍ଥିତ ଥିଲେ। ପଥପ୍ରାନ୍ତ ସଭା ଓ ରୋଡ଼ ଶୋ’ରେ ଅଚ୍ୟୁତ ସାମନ୍ତଙ୍କୁ ନିକଟରେ ପାଇ ଜନସାଧାରଣଙ୍କ ମଧ୍ୟରେ ବେଶ୍ ଉତ୍ସାହ ଦେଖିବାକୁ ମିଳିଥିଲା।
Comments are closed.