ନୂଆଦିଲ୍ଲୀ: ଆଜି ବିଶ୍ଵ ଆଜମା ଦିବସ। ପ୍ରତିବର୍ଷ ମେ’ ମାସର ପ୍ରଥମ ମଙ୍ଗଳବାର ବିଶ୍ବ ଆଜ୍ମା ଦିବସ ପାଳିତ ହୋଇଥାଏ। ଚଳିତବର୍ଷ ଏହା ମେ’ ୭ ତାରିଖ ଅର୍ଥାତ୍ ଆଜିର ଦିନରେ ପାଳିତ ହେଉଛି। ଶ୍ବାସକ୍ରିୟା ଜନିତ ଏହି ରୋଗରେ ବହୁସଂଖ୍ୟକ ପିଲାଙ୍କ ଠାରୁ ଆରମ୍ଭ କରି ବୟସ୍କଙ୍କ ପର୍ଯ୍ୟନ୍ତ ପୀଡ଼ିତ। ୧୯୯୮ରେ ପ୍ରଥମଥର ପାଇଁ ବିଶ୍ବ ଆଜ୍ମା ଦିବସ ପାଳନ ହୋଇଥିଲା। ଏହି ରୋଗ ସମ୍ପର୍କରେ ସଚେତନତା ସୃଷ୍ଟି କରିବା ସହ ଏହାର ପ୍ରତିକାର ସମ୍ପର୍କରେ ଜନସାଧାରଣଙ୍କୁ ଅବଗତ କରାଇବା ଏହି ଦିବସ ପାଳନର ଉଦ୍ଦେଶ୍ୟ। ପ୍ରଦୂଷଣ ବୃଦ୍ଧି ଓ ଅବ୍ୟବସ୍ଥିତ ଜୀବନଶୈଳୀ ଏହି ରୋଗ ବୃଦ୍ଧିର ପ୍ରମୁଖ କାରଣ ବୋଲି ଜଣାପଡ଼ିଛି। ସେହିପରି ମୂଳରୁ ଏହି ରୋଗକୁ ଗୁରୁତ୍ବ ନ ଦେବା ଫଳରେ ଚିକିତ୍ସା କଷ୍ଟସାଧ୍ୟ ହୋଇଯାଇ ଥାଏ। ଚଳିତବର୍ଷର ଥିମ୍ ରହିଛି ଆଜ୍ମା ଶିକ୍ଷା ସଶକ୍ତୀକରଣ।
Comments are closed.