କନ୍ଧମାଳ: କନ୍ଧମାଳ ଜିଲ୍ଲା ଟୀକାବଲି ଥାନା ଅଧିନସ୍ଥ ବୁର୍ବିନାଜୁ ଗ୍ରାମ ନିକଟ ପୋଲ ଉପରେ ଏକ ବାଇକ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଛନ୍ତି। ମୃତକ ୨ଜଣ ହେଉଛନ୍ତି ଟିକାବାଲି ଥାନା ବୁର୍ବିନାଜୁ ଗ୍ରାମର ରୀଙ୍କୁ ପ୍ରଧାନ ଓ କଂସ ପ୍ରଧାନ। ଏହି ଦୁର୍ଘଟଣାରେ ଆହତ ବାଇକ ଚାଳକ ସାଗର ପ୍ରଧାନଙ୍କୁ ଟିକାବାଲି ମେଡିକାଲରେ ଭର୍ତ୍ତି କରାଯାଇଛି।ଗୋଟିଏ ବାଇକରେ ତିନିଜଣ ନିଶାସକ୍ତ ଅବସ୍ଥାରେ ପାବୁରିଆରୁ ନିଜ ଗାଁକୁ ଫେରୁଥିବା ସମୟରେ ବୁର୍ବିନାଜୁ ଗ୍ରାମ ନିକଟ ପୋଲଠାରେ ଦୁର୍ଘଟଣା ଗ୍ରସ୍ତ ହୋଇଥିବା ଜଣାପଡିଛି।ଟିକାବାଲି ପୋଲିସ ଦୁଇ ମୃତ ଶରୀରକୁ ଜବତ କରିବା ସହ କେଶ ନଂ ୯୩/୧୯ ଏକ ମାମଲା ରୁଜୁ କରି ଘଟଣାର ତଦନ୍ତ ଚଳାଇଥିବା ନେଇ ଥାନାଧିକାରୀ ରେବତୀ ଶବର ସୂଚନା ଦେଇଛନ୍ତି।
