ମୋହନା : ଜିଲା ଆଇନ ପ୍ରାଧିକରଣ ସେବା ସମିତି ପକ୍ଷରୁ ମୋହନା ବିଜୁ କଲ୍ୟାଣ ମଣ୍ଡପଠାରେ ନୂତନ ଶ୍ରମିକ ପଞ୍ଜୀକରଣ ପାଇଁ ଆଇନ ସଚେତନତା ଶିବିର ଅନୁଷ୍ଠିତ ହୋଇଯାଇଛି। ଜିଲା ଆଇନ ସେବା ପ୍ରାଧିକରଣ ସମ୍ପାଦକ ଗୀତା ଦାସ, ମୋହନା ବ୍ଲକ ଏବିଡିଓ ଲିଙ୍ଗରାଜ ସାହୁ, ଡବ୍ଲ୍ୟୁଇଓ ସିମାଂଚଳ ବେହେରା, ଜିଲା ଶ୍ରମିକ ଅଧିକାରୀ ସୁବାଶ ଚନ୍ଦ୍ର ମଣ୍ଡଳ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ। ସମ୍ପାଦକ ଗୀତା ଦାସ ଉପସ୍ଥିତ ସ୍ୱୟଂ ସହାୟିକା ଦଳ, ଶ୍ରମିକ, ଦିନ ମଜୁରିଆ ଓ ସାଧାରଣ ଲୋକଙ୍କୁ ଅଣସଂଗଠିତ ଶ୍ରମିକ ମାନଙ୍କୁ ଶ୍ରମିକ କାର୍ଡ, ପଞ୍ଜୀକରଣ ବିନା ଖର୍ଚ୍ଚରେ ଆଇନ ସେବା ତଥା ଶ୍ରମିକ ମାନଙ୍କ ବିଭିନ୍ନ ଅଭାବ ଅସୁବିଧା ମାଗଣାରେ ପାଇପାରିବେ ସେ ସମ୍ପର୍କରେ ଉପସ୍ଥିତ ଲୋକମାନଙ୍କୁ ବୁଝାଇଥିଲେ। କୌଣସି ବ୍ୟକ୍ତି ଯଦି ଶ୍ରମିକ ମାନଙ୍କ ମୌଳିକ ଅଧିକାରକୁ କ୍ଷୁର୍ଣ୍ଣ କରେ ଏବଂ ନୂତନ ପଞ୍ଜୀକରଣରେ ସମସ୍ୟା ସୃଷ୍ଟି ହୁଏ ତୁରନ୍ତ ଆଇନ ସେବା ସମିତକୁ ଜଣାଇବା ପାଇଁ କହିଥିଲେ। ଏହି ଶିବିରରେ ମୋହନା ଥାନା କର୍ମଚାରୀ, ଜିଲା କୋର୍ଟ ଓ ମୋହନା କୋର୍ଟ କର୍ମଚାରୀ ଉପସ୍ଥିତ ରହି ସମସ୍ତ କାର୍ଯ୍ୟକୁ ସୂଚାରୁ ରୂପେ ପରିଚାଳନା କରିଥିଲେ।
Popular Categories
Previous article
Next article