ମିଜୋରାମ ପଥର ଖାଦାନ ଦୁର୍ଘଟଣା, ମୃତ୍ୟୁ ସଂଖ୍ୟା ୧୦କୁ ବୃଦ୍ଧି

ଡେସ୍କ: ମିଜୋରାମର ଏକ ପଥର ଖାଦାନରେ ସୋମବାର ଘଟିଥିବା ସ୍ଖଳନ ଯୋଗୁଁ ମୃତ୍ୟୁ ସଂଖ୍ୟା ୧୦କୁ ବୃଦ୍ଧି ପାଇଛି। ନହିତାଲ୍‌‌ ଜିଲ୍ଲାରେ ଘଟିଥିବା ଏହି ଦୁର୍ଘଟଣାରେ ଉଦ୍ଧାର କାର୍ଯ୍ୟ ଜାରି ରହିଛି। ୧୨ ଜଣ ନିଖୋଜ ଶ୍ରମିକଙ୍କଙ୍କ ମଧ୍ୟରୁ ୧୦ ଜଣଙ୍କ ମୃତଦେହ ଉଦ୍ଧାର କରାଯାଇଛି। ଉଦ୍ଧାର କାର୍ଯ୍ୟରେ ଏନ୍‌‌ଡିଆରଏଫ୍‌‌, ଆସାମ ରାଇଫଲ୍‌‌ସ ଏବଂ ସୀମା ସୁରକ୍ଷା ବଳ ସାମିଲ ରହିଛନ୍ତି। ଉଦ୍ଧାର ହୋଇଥିବା ୧୦ଟି ମୃତଦେହ ମଧ୍ୟରୁ ୫ ଜଣ ପଶ୍ଚିମବଙ୍ଗର ହୋଇଥିବା ବେଳେ ଆସାମରୁ ୨ ଜଣ, ଝାଡ଼ଖଣ୍ଡରୁ ଦୁଇଜଣ ଏବଂ ମିଜୋରାମରୁ ଜଣେ ଅଛନ୍ତି।

ପ୍ରାଣ ହରାଇଥିବା ଲୋକଙ୍କ ପ୍ରତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗଭୀର ଶୋକ ପ୍ରକାଶ କରିଛନ୍ତି। ପ୍ରଧାନମନ୍ତ୍ରୀଙ୍କ ଜାତୀୟ ରିଲିଫ ଫଣ୍ଡରୁ ପ୍ରତ୍ୟେକ ମୃତକଙ୍କ ପରିବାରକୁ ୨ ଲକ୍ଷ ଟଙ୍କା ଲେଖାଏଁ ସହାୟତା ଘୋଷଣା କରାଯାଇଛି। ଏଥିରେ ଆହତ ହୋଇଥିବା ପ୍ରତ୍ୟେକଙ୍କୁ ୫୦ ହଜାର ଟଙ୍କା ଲେଖାଏଁ ସହାୟତା ଯୋଗାଇ ଦିଆଯିବ।