ନୂଆଦିଲ୍ଲୀ: ମହାନଦୀ ଜଳ ବିବାଦ ମାମଲାରେ ଉଭୟ ଓଡ଼ିଶା ଓ ଛତିଶଗଡ଼଼ ତଥ୍ୟପ୍ରମାଣ ସତ୍ୟପାଠ (ଏଭିଡ଼େନ୍ସ ଆଫିଡ଼େଭିଟ) ଦାଖଲ କରିବାକୁ ମହାନଦୀ ଜଳ ବିବାଦ ଟ୍ରାଇବୁନାଲ ନିର୍ଦେଶ ଜାରି କରିଛନ୍ତି। ଟ୍ରାଇବୁନାଲଙ୍କ ନିର୍ଦେଶ ଅନୁଯାୟୀ ଉଭୟ ରାଜ୍ୟ ଏପ୍ରିଲ ୨୩ ସୁଦ୍ଧା ତଥ୍ୟପ୍ରମାଣ ସତ୍ୟପାଠ ଦାଖଲ କରିବେ। ସେହିପରି ଅଦ୍ୟାବଧି କମନ ଇନଫମସେନ ଫର୍ମାଟ ଚୂଡ଼ାନ୍ତ ସରିନଥିବାରୁ ଅତିରିକ୍ତ ସତ୍ୟପାଠ ଜରିଆରେ ଉଭୟ ରାଜ୍ୟ ତଥ୍ୟ ଓ ଦସ୍ତାବିଜ ଉପସ୍ଥାପନ ନିମନ୍ତେ ଟ୍ରାଇବୁନାଲ ଅନୁମତି ପ୍ରଦାନ କରିଛନ୍ତି। କେନ୍ଦ୍ରୀୟ ସଂସ୍ଥାଗୁଡ଼ିକ ଠାରୁ ଅଧିକ ତଥ୍ୟ ଲାଗି ଉଭୟ ରାଜ୍ୟ ତରଫରୁ ଆଗତ ଆବେଦନର ବିଚାର କରି ଟ୍ରାଇବୁନାଲ ଅଧ୍ୟକ୍ଷ ଏ ଏମ ଖାଣ୍ଡିଲକରଙ୍କ ଅଧ୍ୟକ୍ଷତାରେ ଗଠିତ ତିନି ଜଣିଆ ଖଣ୍ଡପୀଠ ଜବାବ ତଲବ କରିଥିଲେ। ତେବେ କ’ଣ ପାଇଁ ଅଧିକ ତଥ୍ୟ ଆବଶ୍ୟକ ସେହି ବିଷୟରେ ଓଡ଼ିଶା ଓ ଛତିଶଗଡ଼଼ ରାଜ୍ୟ ସରକାର ସତ୍ୟପାଠ ଜରିଆରେ କାରଣ ସ୍ପଷ୍ଟ କରିବାକୁ ଟ୍ରାଇବୁନାଲ ନିର୍ଦେଶ ଦେଇଛନ୍ତି। ମାମଲାର ପରବର୍ତ୍ତୀ ଶୁଣାଣି ଏପ୍ରିଲ ୩୦କୁ ଧାର୍ଯ୍ୟ ହୋଇଛି।
Popular Categories
Previous article
Next article