ଫୁଲବାଣୀ : କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ମୁଖ୍ୟାଳୟ ଠାରୁ କାଶିନୀପଦର ଓ ପଳାବୃଡି ପଂଚାୟତ ଦେଇ ପୂର୍ତ୍ତ ବିଭାଗ ଅଧୀନରେ ହେଉଥିବା ନିର୍ମାଣ ହେଉଥିବା ରାସ୍ତା କାମ ଅତି ନିମ୍ନ ମାନର ହେଉଥିବା ଅଭଯୋଗ ହୋଇଛି I ଫିରିଙ୍ଗିଆ ବ୍ଲକ ର କାଶିନୀପଦର ପଂଚାୟତ ର ସରପଞ୍ଚ ପ୍ରତିମା କହଁର ଓ ପଳାବୃଡି ପଞ୍ଚାୟତ ର ସରପଞ୍ଚ ଲୀଳାବତୀ ମଳିକ ଏହି ଅଭଯୋଗ କରିଛନ୍ତି I
ଏହି ଦୁଇ ମହିଳା ସରପଞ୍ଚ ସୋମବାରରେ ଫୁଲବାଣୀ ଯାଇ ଜିଲ୍ଲାପାଳ ଙ୍କୁ ଏକ ଲିଖିତ ଅଭିଯୋଗ ମଧ୍ୟ୍ୟ କରିଛନ୍ତି I ତେବେ ଏହି ଦୁଇ ମହିଳା ସରପଞ୍ଚ ଙ୍କ ଅଭଯୋଗ ଅନୁସାରେ ଗତ କିଛିମାସ ହେଲା ଫିରିଙ୍ଗିଆ ଠାରୁ ଗୋଛାପଡା ଯାଏ କୋଟି କୋଟି ଟଙ୍କା ବ୍ୟୟ ଅଟକଳରେ ପୂର୍ତ୍ତ ବିଭାଗ ଅଧୀନରେ ଏକ ରାସ୍ତା ନିର୍ମାଣ ଚାଲିଛି I ଏହି ରାସ୍ତା କାମଟିକୁ ଓଡ଼ିଶାର ଏକ ଜଣାଶୁଣା ପ୍ରତିଷ୍ଠିତ ଆରକେଡି ନାମକ ଏକ ଠିକା ସଂସ୍ଥା କରୁଛି I ତେବେ କାମ ଆରମ୍ଭରୁ ସମ୍ପୃକ୍ତ ଠିକା ସଂସ୍ଥା ନିମ୍ନ ମାନର କାମ କରୁଥିବା ବେଳେ ଅନେକ ଜାଗାରେ କୌଣସି ସୁରକ୍ଷା ପାଚେରୀ କିମ୍ବା ଘାଟି କଟିଙ୍ଗ ନକରି କେବଳ ମେଟାଲ ଓ ପଥର ଗୁଣ୍ଡ ପକାଇ ପିଚୁ ପକାଇ କାମ ସାରିଦେଉଛି I
ଯାହାପାଇଁ ରାସ୍ତାର ସ୍ଥାୟୀତ୍ୱ ଉପରେ ପ୍ରଶ୍ନବାଚୀ ସୃଷ୍ଟି ହେଉଛି କହି ଏହି ଦୁଇ ମହିଳା ସରପଞ୍ଚ ଅଭଯୋଗ କରିଛନ୍ତି I ବିଶେଷ କରି ଫିରିଙ୍ଗିଆ ଠାରୁ ମଝିପଡ଼ା ଘାଟି ରେ ରାସ୍ତାଟି ଅଣଓସାରିଆ ଓ ବୁଲାଣି ଥିବାରୁ ଏହି ଘାଟିରେ ବାରମ୍ବାର ଦୁର୍ଘଟଣା ଘଟୁଥିବା ବେଳେ ଏହି ଘାଟିରେ ଦୁର୍ଘଟଣା ଘାଟି ଅନେକ ଲୋକ ପ୍ରାଣ ମଧ୍ୟ ହରାଇ ସାରିଲେଣି I ଯାହାପାଇଁ ଏହି ଘାଟି ରାସ୍ତା କୁ କାଟି ଓସାରିଆ ରାସ୍ତା ଏବଂ ଉନ୍ନତ ମାନର ରାସ୍ତା ନିର୍ମାଣ ପାଇଁ ସରପଞ୍ଚ ମାନେ ଦାବି କରିଛନ୍ତି I
