ଭୁବନେଶ୍ବର: ମାଲକାନଗିରି ପୁଲିସ କ୍ୟାଣ୍ଟିନରେ କାର୍ଯ୍ୟ କରୁଥିବା ଜଣେ ମହିଳାଙ୍କ ସନ୍ଦେହଜନକ ମୃତ୍ୟୁ ଓ ତାଙ୍କୁ ବଳାତ୍କାର କରାଯାଇଥିବା ନେଇ ସ୍ବାମୀଙ୍କ ଅଭିଯୋଗ ପରେ ଜୋର ଧରିଛି ରାଜନୀତି । ସମ୍ପୃକ୍ତ ମହିଳାଙ୍କ ମୃତ୍ୟୁରେ ସମ୍ପୃକ୍ତ ବ୍ୟକ୍ତି ବିଶେଷଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ନିମନ୍ତେ ବିଜେପି ଦାବି କରିଛି। ରାଜ୍ୟ ସରକାର ଓ ପୁଲିସ ପ୍ରଶାସନର ଅବହେଳା ଯୋଗୁ ମହିଳାଙ୍କ ମୃତ୍ୟୁ ଘଟିଲା ବୋଲି ବିଜେପି ରାଜ୍ୟ ସମ୍ପାଦିକା ଲେଖାଶ୍ରୀ ସାମନ୍ତସିଂହାର ଅଭିଯୋଗ କରିଛନ୍ତି । ଏହା ସହ ଯେଉଁମାନେ ଘଟଣାରେ ସମ୍ପୃକ୍ତ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ କରିବାକୁ ସେ ଦାବି କରିଛନ୍ତି । ଲେଖାଶ୍ରୀ କହିଛନ୍ତି ରାଜ୍ୟ ସରକାର ଅତୀତରେ ବେବିନା, ଇତିଶ୍ରୀ, କୁନ୍ଦୁଲି ଦୁଷ୍କର୍ମ ପୀଡ଼ିତା ପରି ରାଜ୍ୟ ସରକାର ମହିଳାଙ୍କୁ ନ୍ୟାୟ ଦେବାରେ ବିଫଳ ହୋଇଛନ୍ତି । ମାଲକାନଗିରି ପୁଲିସ କ୍ୟାଣ୍ଟିନରେ କାର୍ଯ୍ୟରତ ମହିଳା ଦୁଷ୍କର୍ମର ଶିକାର ହୋଇ ମୃତ୍ୟୁ ସହ ୫ ଦିନ ସଂଗ୍ରାମ କରିବାପରେ ଆଜି ପ୍ରାଣ ହରାଇଛନ୍ତି । ଏତଲା ପରେ ମଧ୍ୟ ପୁଲିସ ତାଙ୍କ ନିଜ ବିଭାଗରେ କାମ କରୁଥିବା ମହିଳାଙ୍କୁ ସୁରକ୍ଷା ଦେଇପାରିଲା ନାହିଁ। ପୁଲିସ ତା’ର ମୂଳ କାମ ଭୁଲି ଅନ୍ୟ କାର୍ଯ୍ୟ କରୁଛି। ଘଟଣାର ତଦନ୍ତ ନକରି ଘଟଣାକୁ ଚାପି ଦେବାକୁ ଅପଚେଷ୍ଟା କରାଯାଉଥିବା ସନ୍ଦେହ ସୃଷ୍ଟି ହୋଇଛି। ପୁଲିସ ଘଟଣାର ଉପଯୁକ୍ତ ତଦନ୍ତ କରି ଦୋଷୀ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ଡା. ସାମନ୍ତସିଂହାର ଦାବି କରିଛନ୍ତିା
ମାଲକାନଗିରିରେ ମହିଳାଙ୍କ ସନ୍ଦେହଜନକ ମୃତ୍ୟୁ; କଠୋର କାର୍ଯ୍ୟାନୁଷ୍ଠାନ ଦାବି କଲା ବିଜେପି
Popular Categories
Previous article
Next article