ଲାଞ୍ଜିଗଡ଼: କଳାହାଣ୍ଡି ଜିଲ୍ଲାର ବିଭିନ୍ନ ବ୍ଳକରେ ପ୍ରଥମରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ଛାତ୍ରଛାତ୍ରୀମାନଙ୍କୁ ପୋଷାକ ବଣ୍ଟନ ପ୍ରକ୍ରିୟା ଜାରି ରହିଛି। ଏହି ପରିପ୍ରେକ୍ଷୀରେ ଲାଞ୍ଜିଗଡ଼ ବ୍ଳକରେ ଛାତ୍ରଛାତ୍ରୀଙ୍କୁ ପ୍ରଥମ ପର୍ଯ୍ୟାୟ ପୋଷାକ ବଣ୍ଟନ ପ୍ରକ୍ରିୟା ଶେଷ ହୋଇଛି। ପ୍ରଥମ ପର୍ଯ୍ୟାୟରେ ବ୍ଳକର ୨୧୧ ଗୋଟି ସ୍କୁଲର ପ୍ରଥମ ଶ୍ରେଣୀରୁ ଅଷ୍ଟମ ଶ୍ରେଣୀ ପର୍ଯ୍ୟନ୍ତ ୭୯୫୭ ବାଳିକା, ୧୯୯୭ ଜଣ ଅନୁସୂଚିତ ଜାତି ବର୍ଗର ବାଳକ, ୪୨୧୫ ଅନୁସୂଚିତ ଜନଜାତି ବର୍ଗର ବାଳକ ଓ ୧୩୯୨ ବିପିଏଲ୍ ବର୍ଗର ବାଳକଙ୍କୁ ଜଣ ପିଛା ଦୁଇହଳ ପୋଷାକ ଭାବେ ୧୫୫୬୦ ଜଣ ଛାତ୍ରଛାତ୍ରୀଙ୍କୁ ପୋଷାକ ବଣ୍ଟନ କରାଯାଇଛି। ସେହିପରି ଦ୍ୱିତୀୟ ପର୍ଯ୍ୟାୟରେ ୯୮୮ ଜଣ ବାଳିକା, ୨୦୩ ଅନୁସୂଚିତ ଜାତି ବର୍ଗର ବାଳକ, ୪୯୩ ଅନୁସୂଚିତ ଜନଜାତି ବର୍ଗର ବାଳକ ଓ ୩୭୭ ଜଣ ବିପିଏଲ୍ ବର୍ଗର ବାଳକ ରହିଥିବା ବେଳେ ମୋଟ ୨୦୬୧ ଜଣ ଛାତ୍ରଛାତ୍ରୀଙ୍କୁ ପୋଷାକ ବଣ୍ଟନ ପାଇଁ ପ୍ରସ୍ତାବ ଦିଆଯାଇଛି। ପରବର୍ତ୍ତୀ ସମୟରେ ଅନୁଦାନ ଆସିବା ପରେ ବଳକା ଥିବା ୨୦୬୧ ଜଣ ଛାତ୍ରଛାତ୍ରୀଙ୍କୁ ପୋଷାକ ବଣ୍ଟନ କରାଯିବ ବୋଲି ଲାଞ୍ଜିଗଡ଼ ବ୍ଲକ ଶିକ୍ଷା ବିଭାଗ ପକ୍ଷରୁ ସୂଚନା ମିଳିଛି ।
Popular Categories
Previous article
Next article