ଲଡୁଗାଁ: ଲଡୁଗାଁ ପଞ୍ଚାୟତ ଆଇଁଲି ସ୍ଥିତ ସତ୍ୟସାଇ ମନ୍ଦିରରେ ଭଗବାନ ଶ୍ରୀ ସତ୍ୟସାଇ ବାବାଙ୍କ ୯୮ତମ ଜନ୍ମ ଦିବସ ପାଳିତ ହୋଇଯାଇଛି। ଏହି ପୁଣ୍ୟ ଜନ୍ମୋତ୍ସବ ଜୟପାଟଣା ସତ୍ୟସାଇ ବାବା ସେବା ସମିତି ଆଇଁଲି ଭଜନ ମଣ୍ଡଳୀ ପକ୍ଷରୁ ଅନୁଷ୍ଠିତ ହୋଇଥିଲା। ଗୁରୁବାର ମନ୍ଦିର ଠାରେ ପ୍ରତ୍ୟୁଷରୁ ଓଁକାର, ସୁପ୍ରଭାତମ, ନଗର ସଂକୀର୍ତନ କାର୍ଯ୍ୟକ୍ରମ ହୋଇଥିଲା। ଏହାପରେ ପ୍ରଶାନ୍ତି ଧ୍ୱଜା ଉତ୍ତୋଳନ କରିଥିଲେ। ମଧ୍ୟାହ୍ନରେ ଭକ୍ତ ମାନଙ୍କ ଦ୍ୱାରା ଏକ ଆଧ୍ୟାତ୍ମିକ ଶୋଭାଯାତ୍ରା ଅନୁଷ୍ଠିତ ହୋଇଥିଲା।
ଏହି ଶୋଭାଯାତ୍ରା ମନ୍ଦିର ପରିସରରୁ ବାହାରି ନଗର ପରିକ୍ରମା କରି ପୁଣି ମନ୍ଦିର ନିକଟରେ ପହଞ୍ଚିଥିଲେ। ଏହି ଅବସରରେ ଭଗବାନ ସାଇବାବାଙ୍କ ଦିବ୍ୟପ୍ରେମ ସମ୍ପର୍କିତ ସନ୍ଦେଶ ଆଲୋକପାତ କରିଥିଲେ। ଏହି ଅବସରରେ ନାରାୟଣ ସେବାର ସ୍ୱତନ୍ତ୍ର ଆୟୋଜନ କରାଯାଇଥିଲା। ଏହି ଦିବ୍ୟ କାର୍ଯ୍ୟକ୍ରମରେ ଅଞ୍ଚଳର ସମସ୍ତ ସାଇ ଭକ୍ତ ଯୋଗ ଦେଇ ସହଯୋଗ କରିଥିଲେ।
Comments are closed.