ମୁମ୍ବଇ : ଏକ ଚେକ ବାଉନ୍ସ ମାମଲାରେ ବଲିଉଡ଼ ଅଭିନେତ୍ରୀ କୋଇନା ମିତ୍ରଙ୍କୁ ମୁମ୍ବଇ ମେଟ୍ରୋପଲିଟିଆନ ମାଜିଷ୍ଟ୍ରେଟ କୋର୍ଟ ସୋମବାର ୬ ମାସ ଜେଲ ଦଣ୍ଡାଦେଶ ଶୁଣାଇଛନ୍ତି। ଏହାସହ ଅଭିଯୋଗକାରିଣୀ ପୁନମ ସେଟୀଙ୍କୁ ୪.୬୪ ଲକ୍ଷ ଟଙ୍କା ପ୍ରଦାନ କରିବାକୁ କୋର୍ଟ ରାୟ ଦେଇଛନ୍ତି। ତାହା ମଧ୍ୟରେ ୧.୬୪ ଲକ୍ଷ ଟଙ୍କାର ସୁଧ ରହିଛି।
ସୂଚନା ଅନୁସାରେ ମଡେଲ ପୁନମ ସେଟିଙ୍କଠାରୁ କୋଇନା ମିତ୍ର ୨୨ ଲକ୍ଷ ଟଙ୍କା ଋଣ ନେଇଥିଲେ। କୋଇନା ପ୍ରର୍ଯ୍ୟାୟ କ୍ରମେ ଋଣ ଟଙ୍କା ପରିଶୋଧ କରିଥିଲେ। ତେବେ କୋଇନା ପ୍ରଦାନ କରିଥିବା ଏକ ୩ ଲକ୍ଷ ଟଙ୍କାର ଚେକ ବାଉନ୍ସ ହେବା ପରେ ପୁନମ ତାଙ୍କୁ ୨୦୧୩ ଜୁଲାଇ ୧୯ରେ ଆଇନଗତ ନୋଟିସ ପଠାଇଥିଲେ। ନୋଟିସ ପାଇବା ପରେ ବି କୋଇନା ଟଙ୍କା ପରିଶୋଧ କରିନଥିଲେ। ଫଳରେ ପୁନମ କୋର୍ଟଙ୍କ ଦ୍ୱାରସ୍ଥ ହୋଇଥିଲେ। ଏହି ମାମଲାରେ କୋଇନା ଦୋଷୀ ସାବ୍ୟସ୍ତ ହେବା ପରେ ତାଙ୍କୁ ଉପରୋକ୍ତ ଦଣ୍ଡ ଶୁଣାଯାଇଛି। ତେବେ କୋଇନା ଏହାକୁ ଖଣ୍ଡନ କରିଛନ୍ତି ଓ କୋର୍ଟଙ୍କ ରାୟ ବିରୋଧରେ ସେ ଉଚ୍ଚତମ ନ୍ୟାୟାଳୟକୁ ଯିବେ ବୋଲି କହିଛନ୍ତି।
ଅଭିନେତ୍ରୀ କୋଇନା ମିତ୍ରଙ୍କୁ ୬ ମାସ ଜେଲ
Popular Categories
Previous article
Next article