ନୂଆଦିଲ୍ଲୀ : ଯଦି ଆପଣଙ୍କ ଗାଡିରେ ପେଟିଏମ୍ ଫାଷ୍ଟ୍ୟାଗ୍ ଲାଗିଛି ତେବେ ଆପଣଙ୍କ ପାଇଁ ଖରାପ ଖବର । ଏବେ ପେଟିଏମ୍ ଫାଷ୍ଟ୍ୟାଗ୍ ଆକାଉଣ୍ଟ ଆଉଟ୍ ଅଫ୍ ସର୍ଭିସ୍ ହୋଇଯାଇଛି । ଏଣିକି ଉପଭୋକ୍ତା ନିଜ ଆକାଉଣ୍ଟରେ ରିଚାର୍ଜ କରିପାରିବେନି । ନ୍ୟାସନାଲ୍ ହାଇଓ୍ବେ ଅଥୋରିଟି ଅଫ୍ ଇଣ୍ଡିଆ(ଏନଏଚଏଆଇ) ଚଳିତ ସପ୍ତାହରେ ଉପଭୋକ୍ତାଙ୍କୁ ନୋଟିସ୍ ପଠାଇ ନୂଆ ଫାଷ୍ଟ୍ୟାଗ ଲଗାଇବା ପାଇଁ କହିଥିଲା ଏବଂ ୧୫ ମାର୍ଚ୍ଚ ପର୍ଯ୍ୟନ୍ତ ସମୟ ଦେଇଥିଲା ।
କିଛି ଦିନ ତଳେ ରିଜର୍ଭ ବ୍ୟାଙ୍କ ପେଟିଏମ୍ ପେମେଣ୍ଟ ବ୍ୟାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା ଏବଂ ୧୫ ମାର୍ଚ୍ଚ ପରେ ପେଟିଏମ୍ ଫାଷ୍ଟ୍ୟାଗ୍ ଆକାଉଣ୍ଟରେ କୌଣସି ରାଶି ଟପ୍ ଅପ୍ କରାଯାଇପାରିବନି ବୋଲି ସୂଚନା ଦେଇଥିଲା । ଏନଏଚଏଆଇ ପ୍ରାୟ ୪୦ ଅନ୍ୟ ବ୍ୟାଙ୍କ ଏବଂ ଫିନଟେକ୍ କମ୍ପାନୀଙ୍କ ତାଲିକା ମଧ୍ୟ ଜାରି କରିଥିଲା ଏବଂ କେବଳ ଏହି ମାନଙ୍କଠାରୁ ହିଁ ଫଷ୍ଟ୍ୟାଗ୍ କିଣିବାକୁ ପରାମର୍ଶ ଦେଇଥିଲା ।
ତେବେ ଯଦି ଆପଣ ପେଟିଏମ୍ ଫାଷ୍ଟ୍ୟାଗ୍ ଆକାଉଣ୍ଟ ବନ୍ଦ କରିନାହାଁନ୍ତି ତେବେ ଟୋଲ୍ ଫ୍ରି ନମ୍ବର ୧୮୦୦୧୨୦୪୨୧୦ରେ କଲ୍ କରି ବନ୍ଦ କରିପାରିବେ । କିମ୍ବା ପେଟିଏମ୍ ଆପକୁ ଯାଇ ମଧ୍ୟ ଆକାଉଣ୍ଟ ଡିଆକ୍ଟିଭେଟ୍ କରିପାରିବେ । ଆପଣ ଫୋନରେ ପେଟିଏମ୍ ଆପ୍ ଦ୍ବାରା ମଧ୍ୟ ଏହାକୁ ବନ୍ଦ କରିପାରିବେ । ଏଥିପାଇଁ ଆପ୍ ଖୋଲି ସେଥିରେ ପ୍ରୋଫାଇଲ୍ ଆଇକନ୍ ଉପରେ କ୍ଲିକ୍ କରନ୍ତୁ । ଏହା ପରେ ହେଲ୍ପ ଆଣ୍ଡ୍ ସପୋର୍ଟ ବିକଳ୍ପ ଉପରେ କ୍ଲିକ୍ କରନ୍ତୁ । ଏଠାରେ ଆପଣଙ୍କୁ ବ୍ୟାଙ୍କିଂ ସେବା ଏବଂ ପେମେଣ୍ଟ୍ସ ବିକଳ୍ପ ନଜର ଆସିବ । ଏଠାକୁ ଯାଇ ଫାଷ୍ଟ୍ୟାଗର ଚୟନ କରିବାକୁ ହେବ । ଶେଷରେ ଚାଟ୍ ଓ୍ବିଥ୍ ଅସ୍ ଉପରେ ଟ୍ୟାପ୍ କରି ଡିଆକ୍ଟିଭେଟ୍ କରିବା ପାଇଁ ଆବେଦନ କରିବାକୁ ହେବ । ଏହା ପରେ ଫାଷ୍ଟ୍ୟାଗ୍ ଆକାଉଣ୍ଟ ବନ୍ଦ ହୋଇଯିବ ।
Comments are closed.