କେନ୍ଦୁଝରଗଡ଼: କେନ୍ଦୁଝର ଜିଲା ଆଇନ ସେବା ପ୍ରାଧିକରଣ ପକ୍ଷରୁ ୨ ଅସହାୟ ପୀଡିତାଙ୍କୁ ଥଇଥାନ କରାଯାଇଛି। ପ୍ରାଧିକରଣର ସରକାରୀ ଅଧିବକ୍ତା ମନୋଜ କୁମାର ମହାକୁଡ ଓ ରମେଶ ଚନ୍ଦ୍ର ନନ୍ଦ ଏହି ଦୁଇ ଅସହାୟ ପୀଡିତାଙ୍କୁ ଉଦ୍ଧାର କରିଛନ୍ତି। ଏହି ଦୁଇ ପୀଡିତା ସେମାନଙ୍କ ଭରଣପୋଷଣ ପାଇଁ ଅସମର୍ଥ ଥିଲେ। ଜିଲା ଆଇନ ସେବା ପ୍ରାଧିକରଣର ଏହି ଦୁଇ ଆଇନଜୀବୀ ଶ୍ରୀ ମହାକୁଡ ଓ ଶ୍ରୀ ନନ୍ଦ ଦରଖାସ୍ତ ମାଧ୍ୟମରେ ଥଇଥାନ ପାଇଁ ଜିଲା ଆଇନ ସେବା ପ୍ରାଧିକରଣ ସଚିବଙ୍କ ନିକଟରେ ଆବେଦନ କରିଥିଲେ।
ପ୍ରାଧିକରଣ ସଚିବ ମାମୀ ବେହେରା ଏହି ଦୁଇ ପୀଡିତାଙ୍କ ଘଟଣା ସମ୍ପର୍କରେ ଅବଗତ ହେବାପରେ ଶିଶୁ ସୁରକ୍ଷା କମିଟି ଓ ସଖୀ ୱାନ ଷ୍ଟପ୍ ସେଣ୍ଟର ସହ ଯୋଗାଯୋଗ କରିଥିଲେ। ସଚିବ ଶ୍ରୀମତୀ ବେହେରାଙ୍କ ପ୍ରତ୍ୟକ୍ଷ ଉଦ୍ୟମ ବଳରେ ଏହି ଦୁଇ ଅସହାୟ ପୀଡିତାଙ୍କୁ ଉଦ୍ଧାର କରାଯାଇ ବଣିଆପାଟସ୍ଥିତ ଓପନ ସେଲଟର ହୋମରେ ଥଇଥାନ କରାଯାଇଛି।
Comments are closed.