ଦୋକାନରେ ଫୁଟିଲା ବାଣ; ୩ ଗୁରୁତର

କାମାକ୍ଷାନଗର: ଦୀପାବଳିରେ ବଡ଼ସୁଆଁଳ ଗାଁରେ ବଡ଼ ଧରଣର ବିସ୍ଫୋରଣ ହୋଇଛି । ବାଣ ଦୋକାନରେ କୌଣସି କାରଣରୁ ବାଣ ଫୁଟି ୩ଜଣ ଗୁରୁତର ହୋଇଛନ୍ତି । ଗୁରୁତରଙ୍କ ମଧ୍ୟରେ ଜଣେ ନାବାଳକ ଓ ଜଣେ ନାବାଳିକା ରହିଥିବା ବେଳେ ଅନ୍ୟ ଦୁଇ ଜଣ ବାଣ ଦୋକାନୀ ହୋଇଥିବା ଅନୁମାନ କରାଯାଉଛି । ସମସ୍ତଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ରହିଥିବା ଜଣାପଡ଼ିଛି । ଗୁରୁତର ମାନଙ୍କୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଛି ।  ଘଟଣାସ୍ଥଳରେ ନିଆଁ ଲିଭାଇବାକୁ ଅଗ୍ନିଶମ ବାହିନୀ ପକ୍ଷରୁ ଉଦ୍ୟମ ଜାରି ରହିଛି ।

ସୂଚନା ଅନୁଯୟୀ, ବଡ଼ସୁଆଳୋ ଗ୍ରାମରେ ଏକ ବାଣ ଦୋକାନକୁ ସେହି ଗ୍ରାମର ଦୁଷ୍ମନ୍ତ ନାୟକ ଓ ତାଙ୍କ ୯ ବର୍ଷର ପୁଅ ପ୍ରତୀକ ବାଣ କିଣୁଥିଲେ l ସେହି ସମୟରେ ବାଣ ଦୋକାନରେ ବିସ୍ଫୋରଣ ଘଟିଥିଲା l ଫଳରେ ବାପ ପୁଅଙ୍କ ସହିତ ଦୋକାନରେ କିଣିବାକୁ ଯାଇଥିବା ବିଷ ପାଳଙ୍କ ୧୧ ବର୍ଷର ଝିଅ ଅନୁଷ୍କା ଗୁରୁତର ଭାବେ ଆହତ ହୋଇଥିଲେ l ତୁରନ୍ତ ତାଙ୍କୁ ଉପଖଣ୍ଡ ଡାକ୍ତରଖାନରେ ଭର୍ତ୍ତି କରିଥିଲେ l ସେଠାରେ ଅବସ୍ଥା ଶଙ୍କଟାପର୍ଣ୍ଣ ହେବାରୁ ଦୁଷ୍ମନ୍ତ ଓ ତାଙ୍କ ପୁଅ ପ୍ରତୀକଙ୍କୁ କଟକ ସ୍ଥାନାନ୍ତର କରାଯାଇଛି l