କାମାକ୍ଷାନଗର: କାମାକ୍ଷାନଗର ନାଗରିକ ସମାଜର ବାର୍ଷିକ ବୈଠକ ଆନନ୍ତପୁର ସ୍ଥିତ ରାମମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି l ବରିଷ୍ଠ ସଦସ୍ୟ ଅଦେଇତ ପ୍ରସାଦ ଶତପଥୀଙ୍କ ସଭାପତିତ୍ୱରେ ଅନୁଷ୍ଠିତ ବୈଠକରେ ବିଶିଷ୍ଟ ବ୍ୟକ୍ତିମାନେ ଯୋଗ ଦେଇ ଅଞ୍ଚଳର ବିଭିନ୍ନ ସମସ୍ୟା ଉପରେ ଆଲୋଚନା କରି ତାହାର ସମଧାନ କରିବା ସକାଶେ ପଦକ୍ଷେପ ନେବାକୁ ସ୍ଥିର କରାଯାଇଛି l ଏଥିରେ ମୁଖ୍ୟତଃ ଉପଖଣ୍ଡ ଡାକ୍ତରଖାନାରେ ରହିଥିବା ଡାକ୍ତର ସମସ୍ୟା ଓ ଚିକିତ୍ସାରେ ଅବ୍ୟବସ୍ଥା, ସହର ମଧ୍ୟ ଦେଇ ଯାଇଥିବା ରାସ୍ତାର ସମସ୍ୟା ।
ଭାରିଯାନ ଚଳାଚଳରେ କିପରି ବିଦ୍ୟାଳୟକୁ ଯାତାୟାତ କରୁଥିବା କୁନି କୁନି ପିଲାମାନେ କିପରି ସମସ୍ୟାର ସମ୍ମୁଖୀନ ହେଉଛନ୍ତି ସେ ସଂମ୍ପର୍କରେ ଆଲୋଚନା କରାଯାଇଥିଲା l ଏତଦ ବ୍ୟତୀତ ସହରରେ ଶବ ସତ୍କାର ପାଇଁ ଏକ ଶ୍ମଶାନ ନିର୍ମାଣ ସହିତ ବିଦ୍ୟୁତ୍ ଚୁଲା ସକାଶେ ଦାବି ଉପସ୍ଥାପନା କରାଯାଇଥିଲା l ଏହିସବୁ ସମସ୍ୟା ଗୁଡିକ ସମଧାନ ପାଇଁ ସ୍ଥାନୀୟ ନେତୃବୃନ୍ଦ ପ୍ରଶାସନକୁ ଅବଗତ କରାଇ ତୁରନ୍ତ ସମାଧାନ କରିବାକୁ ସ୍ଥିର କରାଯାଇଛି l ଏହି ଆଲୋଚନାରେ ରବିନାରାୟଣ ସାହୁ, ଅମର ପ୍ରସାଦ ଶତପଥୀ, ଡମ୍ବରୁଧର ବିଶ୍ୱାଳ, ପର୍ଶୁରାମ ଭୁୟା, ନିର୍ମଳ ସାହୁ, ଅର୍ଜୁନ ସାହୁ ପ୍ରମୁଖ ଉପସ୍ଥିତ ଥିଲେ l ପରିଶେଷରେ ବରିଷ୍ଠ ସଦସ୍ୟ ଦିଲ୍ଲୀପ କୁମାର ସ୍ୱାଇଁ ଧନ୍ୟବାଦ ଦେଇଥିଲେ l
