କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକର କିଛି ଗାଁରେ ଏପ୍ରିଲ ମାସ ଏକ ତାରିଖରୁ ଆଦିବାସୀ ମାନଙ୍କ ହିରେଇ ପର୍ବ ପାଳନ କରାଯାଇ ଥିବା ଦେଖିବାକୁ ମିଳିଛି। ନିଜ ଗାଁ ମୁଣ୍ଡରେ ଥିବା ଝାଙ୍କିରିଠାରେ ପଶୁବଳି ଛେଳି, କୁକୁଡ଼ା, ପାରା, ଲିଆ ମୁହାଁ ଦୀପଧୂପ ଜାଳି ପୂଜା ପାଠ କରିଥାନ୍ତି। ଭୋଜି ଭାତ କରି ନାଚ ଗୀତ ଗାଇ ଧୁମଧାମରେ ଏହି ପର୍ବ ପାଳନ କରିଥାନ୍ତି। ଏହି ହିରେଇ ପର୍ଵକୁ ପ୍ରତ୍ୟେକ ବର୍ଷ ଏପ୍ରିଲ ମାସ ଏକ ତାରିଖରୁ ଆରମ୍ଭ କରି ମାସ ଶେଷ ଯାଏଁ ପାଳନ କରି ଥାହାନ୍ତି । ଏପ୍ରିଲ ମାସକୁ ଆଦିବାସୀଙ୍କ ପରମ୍ପରା ଅନୁଯାୟୀ ନୂତନ ବର୍ଷ ହିସାବରେ ନିଜ ନିଜ ଗାଁରେ ଥିବା ଝାଙ୍କିରି ବା ଗ୍ରାମ ଦେବୀଙ୍କ ନିକଟରେ ନୂଆବିହନ ମୁଠି ଚାଷ କାମ ବା ହଳ ଲଙ୍ଗଳ ଚଷା କାମ ଆରମ୍ଭ କରିଥାନ୍ତି। ନୂଆ ଶାଢ଼ୀ ଡ୍ରେସ ପିନ୍ଧି ସଜବାଜ ହୋଇ ଘରେ ଘରେ ପିଠା, ପଣା, କରି ଧୁମଧାମରେ ପର୍ଵ ପାଳନ କରିଥାନ୍ତି ।
Comments are closed.