କଲ୍ୟାଣସିଂହପୁର : ମାଓବାଦୀଙ୍କ ସହିଦ ସପ୍ତାହ ପାଳନ କରିବା ପାଇଁ ନିୟମଗିରିରେ ପାଞ୍ଚଟି ପୋଷ୍ଟର ସହ ଗୋଟିଏ ବ୍ୟାନର ଲଗାଇ ଶେଷରେ ସିପିଆଇ ମାଓବାଦୀ ବାଘୁନା ଡିଭିଜନ କମିଟି ବୋଲି ଉଲ୍ଲେଖ ରହିଛି । ଏହି ପୋଷ୍ଟରଟି ରାୟଗଡ଼ା ଜିଲା କଲ୍ୟାଣସିଂହପୁର ବ୍ଲକ ନିୟମଗିରିର ପାର୍ସାଲି ପଞ୍ଚାୟତରେ ଲାଗିଥିବା ଦେଖିବାକୁ ମିଳିଛି । ଉକ୍ତ ପୋଷ୍ଟର ଓ ବ୍ୟାନରରେ ଉଲ୍ଲେଖ ରହିଛି ଯେ ଜୁଲାଇ ୨୮ ତାରିଖରୁ ଅଗଷ୍ଟ ୩ ତାରିଖ ପର୍ୟ୍ୟନ୍ତ ପ୍ରତ୍ୟେକ ଗାଁ ଗାଁରେ ସହିଦ ସପ୍ତାହ ପାଳନ କରିବା ନିମନ୍ତେ ଓ ସହିଦ ମାନଙ୍କ ଅଧୁରା ସପ୍ନ, ଶୋଷଣ ମୁକ୍ତ ସମାଜ କାର୍ଯ୍ୟକୁ ପୁରଣ କରନ୍ତୁ ।
ସିପିଆଇ ମାଓବାଦୀର ପ୍ରତିଷ୍ଠାତା କମ୍ରେଡ଼ ଚାରୁ କ.କହ୍ନାଇ,ନିୟମଗିରିର ବିର ସହିଦ କର୍ମେଡ ପଦ୍ମା (ମିଜି), ଲଳିତ ରିତୁ, କାମଳା, ପଦ୍ମା, ଅଞ୍ଜଳି, ନନ୍ଦୁ, ଗୀତା ଅମର ରହେ ବୋଲି ଉଲ୍ଲେଖ ରହିଛି । ସହିଦ ମାନେ ସତ୍ୟ ଜୟୀ ସିପିଆଇ ମାଓବାଦୀ ବାଘୁନା ଡିଭିଜନ କମିଟି ପକ୍ଷରୁ ଉଲ୍ଲେଖ କରି ପୋଷ୍ଟର ବ୍ୟାନରେ ଉଲ୍ଲେଖ କରି ଜାହିର କରିଛନ୍ତି । ଉକ୍ତ ବ୍ୟାନରଟି ପାର୍ସାଲି ପଞ୍ଚାୟତର ନୂତନ ଡଙ୍ଗରିଆ କନ୍ଧ ଉନ୍ନୟନ ସଂସ୍ଥାର ଫାଟକରେ ଲାଗିଥିବାବେଳେ ଅନ୍ୟ ପୋଷ୍ଟର ଗୁଡିକ ପୁରୁଣା କାର୍ଯ୍ୟାଳୟ ସମ୍ମୁଖ ଆମ୍ବ ଗଛରେ ୨ଟି, ରାଜୀବଗାନ୍ଧି ସେବା କେନ୍ଦ୍ରରେ ଗୋଟିଏ ଓ ପଞ୍ଚାୟତ କାର୍ଯ୍ୟାଳୟ ସମ୍ମୁଖ ଆମ୍ବ ଗଛରେ ୨ଟି ସମୁଦାୟ ୫ଟି ପୋଷ୍ଟର ଲଗାଯାଇଛି । ଘଟଣା ସ୍ଥଳରେ ପୁଲିସ ପହଞ୍ଚି ବ୍ୟାନର ସହ ୫ଟି ପୋଷ୍ଟର ଜବତ କରିଛନ୍ତି ।
Comments are closed.