କଲ୍ୟାଣସିଂହପୁର : ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକରେ ଗତକାଲି ଅପରାହ୍ନରେ କାଳବୈଶାଖୀର ତାଣ୍ଡବରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ଥାନାରେ ଅଭିଯୋଗ ହୋଇଛି । ଏତଲା ଅନୁସାରେ ଗତକାଲି ଅପରାହ୍ନରେ କାଳବୈଶାଖୀର ତାଣ୍ଡବରେ ଘଡଘଡି ସହ କୁଆପଥର ମାଡ଼ ସାଙ୍ଗକୁ ପ୍ରବଳ ବର୍ଷା ହୋଇଥିଲା । ଉକ୍ତ ବ୍ଲକର ସେରିଗୁମ୍ମା ପଞ୍ଚାୟତର ଲାମ୍ବେରୀ ଗ୍ରାମର କୃଷ୍ଣ ନାଚିକାଙ୍କ ଭଉଣି ଫୁଲମତି ମାଣ୍ଡିକା (୩୧) ଚାଷ ଜମିରେ ଥିବା କୁଡ଼ିଆ ଘରେ ରହିଥିଲେ । ଅପରାହ୍ନ ୫ଟା ସମୟରେ ଜୋରରେ ଘଡଘଡି ମାରିଥିଲା ତାହା ନିକଟରେ ପଡିଥିବା ଯୋଗୁଁ ପ୍ରଭାବରେ ତାଙ୍କ ମୃତ୍ୟୁ ହୋଇଥିବା ଜଣାପଡିଛି। ଭଉଣୀର ମୃତ୍ୟୁରେ କାହାର ଅଭିଯୋଗ ନାହିଁ ବୋଲି ଥାନାରେ ଲିଖିତ ପରିବାର ପକ୍ଷରୁ ଦେଇଛନ୍ତି । ଏହାକୁ ନେଇ ଥାନା ଏସ ଆଇ ଶିଵ ପ୍ରସାଦ ସାହୁ ଘଟଣା ସ୍ଥଳରେ ପହଞ୍ଚି ମରଶରୀରକୁ ଜବତ କରି ଶବ ବ୍ୟବଛେଦ କରି ପରିବାରକୁ ହସ୍ତାନ୍ତର କରିଥିଲେ। ଏ ସମ୍ପର୍କରେ ତହସିଲଦାର ସୁଧାକର ରଇତ ଶବ ବ୍ୟବଛେଦ ରିପୋର୍ଟ ବାହାରିବା ପରେ ସରକାର ଆଇନ ଅନୁଯାୟୀ ତାଙ୍କ ପରିବାର ଲୋକଙ୍କୁ ୪ ଲକ୍ଷ୫୦ ହଜାର ଟଙ୍କା ଯୋଗାଇ ଦିଆଯିବ ବୋଲି କହିଛନ୍ତି।
Comments are closed.