କଲ୍ୟାଣସିଂହପୁର: ରାୟଗଡା ଜିଲା କଲ୍ୟାଣସିଂହପୁର ବ୍ଲକ ସଦରେ ଥିବା ପୂର୍ତ୍ତ ବିଭାଗ ଡ଼ାକ ବଙ୍ଗଳା ଠାରେ ଆରଏମସି ପକ୍ଷରୁ ଧାନ ମଣ୍ଡି ରଖାଯାଇଛି। ଉକ୍ତ ମଣ୍ଡିରେ ସିଙ୍ଗାରି, ଧାମୁଣିପଙ୍ଗା ଓ କଲ୍ୟାଣସିଂହପୁର ପାର୍ଶାଲି ଚାରଟି ପଞ୍ଚାୟତରୁ ଧାନ ଆଣିକୁ ରହିଛି । ଆରଏମସି ଏବଂ ଲ୍ୟାମ୍ପ ତରଫରୁ ଚାଷୀଙ୍କ ଧାନ କିଣି ପୂର୍ତ୍ତ ବିଭାଗ ଡାକ ବଙ୍ଗଳାର ଫାଟକ ଭିତରେ ରଖି ମିଲରମାନଙ୍କୁ ବିକ୍ରି କରାଯିବା ପାଇଁ ବ୍ୟବସ୍ଥା ରହିଛି। ଆଜି ସକାଳରୁ ଚାଷୀ ଧାନ ଆଣି ଲମ୍ବା ଧାଡ଼ି ଲଗାଇ ଗାଡ଼ି ରଖିଛନ୍ତି। ମିଲର ଓ ଆରଏମସିଙ୍କ ମଧ୍ୟରେ ମଧୁଚନ୍ଦ୍ରିକା ହେତୁ ଗାଡିରୁ ଧାନ ଖାଲି କରା ଯାଇନଥିଲା।
ଫଳରେ ଏହାର ପ୍ରତିବାଦ କରି ଚାଷୀମାନେ ଏକତ୍ରିତ ହୋଇ ରାସ୍ତା ଅବରୋଧ କରିଥିଲେ। ରାସ୍ତା ଅବରୋଧ ର ଦୃଶ୍ୟ ଦେଖି କିଛି ବୁଦ୍ଧିଜୀବୀ ପଞ୍ଚାୟତ ନିର୍ବାଚନ ଅଛି ଏବଂ ଆଜି ଅନ୍ତିମ ଦିନ ହୋଇଥିବାରୁ ରାସ୍ତା ଅବରୋଧ କରିବା ଠିକ ହେବ ନାହିଁ ବୋଲି ଚାଷୀମାନଙ୍କୁ ବୁଝାସୁଝା କରିଥିଲେ। ଫଳରେ ରାସ୍ତା ଅବରୋଧ କରିଥିବା ଗାଡି ଗୁଡିକୁ ରାସ୍ତାରୁ ହଟାଇ ଦିଆଯାଇଥିଲା। ଏ ସଂମ୍ପର୍କରେ ମିନି ବ୍ୟାଙ୍କ ଶାଖା ପରିଚାଳକ ସି.ଏଚ କୋଟେଶ୍ୱର ରାଓ କାହିଥିଲେ ଯେ ବିଭିନ୍ନ ବର୍ଷା ହେବାର ସମ୍ଭାବନା ରହିଛି ବୋଲି ଗଣମାଧ୍ୟମରେ ଖବର ପ୍ରକାଶ ପାଇଛି। ତେଣୁ ଆମେ ଗାଡିରୁ ଖାଲି କରୁନାହିଁ। ମିଲର୍ସମାନେ ଆସି ଧାନ ଚୟନ କରିବା ପରେ ଏଠାରୁ ମିଲକୁ ଧାନ। ମିଲର ସନ୍ଦୀପ ଗୁଡ଼ଲା ଓ ବରାତମ ରବି କହିଥିଲେ ଯେ ଆମର ଚାଷୀମାନଙ୍କ ସହ ସମ୍ପର୍କ ନାହିଁ। ଆରଏମସି ସହ ଆମେ କାରବାର କରୁଛୁ। ଆରଏମସି ଉତ୍ତମ ଧାନ ଚୟନ କରିଦେଲେ ଆମ୍ଭେ ନେବୁ।
