କଲମପୁର: ଗ୍ରାମବିକାଶ ଶିକ୍ଷା ନିକେତନ କୁମୁଡା ବାହାଲ ଠାରେ ଜିଲ୍ଲା କ୍ରୀଡା ଓ ଯୁବ ବ୍ୟାପାର ବିଭାଗ ଦ୍ୱାରା ବ୍ଲକସ୍ତରୀୟ କ୍ରୀଡା ପ୍ରତିଭା ଅନ୍ୱେଷଣ କାର୍ଯ୍ୟକ୍ରମ ଆୟୋଜିତ ହେଇଯାଇଛି । ଏଥିରେ ବ୍ଲକର ବିଭିନ୍ନ ବିଦ୍ୟାଳୟରୁ ୬୬ ଜଣ କ୍ରୀଡା ପ୍ରତିଭା ଯୋଗ ଦେଇ ନିଜ ନିଜ ପ୍ରତିଭା ପ୍ରଦର୍ଶିତ କରିଥିଲେ । ଜିଲ୍ଲା କ୍ରୀଡା ଅଧିକାରୀ ଶୁଭାଶିଷ ନାୟକ ଓ ଜିଲ୍ଲା ଶାରିରୀକ ଶିକ୍ଷା ନିରୀକ୍ଷକ ମହେନ୍ଦ୍ର କୁମାର ପଣ୍ଡା ଯୋଗ ଦେଇ ଛାତ୍ର ଛାତ୍ରୀ ମାନଙ୍କ ପ୍ରତିଭା ଅନ୍ୱେଷଣ କାର୍ଯ୍ୟକ୍ରମକୁ ତଦାରଖ କରିଥିଲେ । ଓଡିଶା ଆଦର୍ଶ ବିଦ୍ୟାଳୟ ଥୁଆମୂଳ ରାମପୁରର ଶାରିରୀକ ଶିକ୍ଷା ଶିକ୍ଷକ ଅନିରୁଦ୍ଧ ମୁଦୁଲି, ଶିରିମସ୍କା ଉନ୍ନିତ ବିଦ୍ୟାଳୟର ଶାରିରୀକ ଶିକ୍ଷା ଶିକ୍ଷକ କାନ୍ଦ୍ରା ମାଝୀ, ଗ୍ରାମବିକାଶ ଶିକ୍ଷା ନିକେତନର ରାମ ଚନ୍ଦ୍ର ନାୟକ, ବୈଦେହୀ ମାଝୀ, ଦିଲ୍ଲୀପ କୁମାର ପ୍ରଧାନ ପ୍ରମୁଖ କାର୍ଯ୍ୟକ୍ରମ ଆୟୋଜନରେ ସକ୍ରିୟ ସହଯୋଗ କରିଥିଲେ । ଏ ଅବସରରେ ଆୟୋଜିତ ଉଦ୍ଯାପନୀ ସମାରୋହରେ କ୍ରୀଡା ଅଧିକାରୀ ଶ୍ରୀ ନାୟକ କ୍ରୀଡାର ଉପକାରିତା ସମ୍ବନ୍ଧରେ ଛାତ୍ରଛାତ୍ରୀଙ୍କୁ ବୁଝାଇଥିଲେ । ଗ୍ରାମବିକାଶ ସିକ୍ଷା ନିକେତନର ପ୍ରଧାନ ଶିକ୍ଷକ ଅରବିନ୍ଦ ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ ।
Comments are closed.