ଶୀତ ଋତୁ ଆସିଲେ ବିଭିନ୍ନ ପ୍ରଜାତିର ପକ୍ଷୀଙ୍କ ଆଗମନ ହୋଇଥାଏ। ଛାତ୍ରଛାତ୍ରୀମାନଙ୍କୁ ପକ୍ଷୀଙ୍କ ବିଷୟରେ ଅବଗତ କରାଇବା ପାଇଁ ବନ ବିଭାଗ ପକ୍ଷରୁ ଉଦ୍ୟମ ଆରମ୍ଭ ହୋଇଛି। କଳାହାଣ୍ଡି ଜିଲା ଦକ୍ଷିଣବନାଞ୍ଚଳ ଅଧିନସ୍ତ କଲମପୁର ବନପାଳଙ୍କ କାର୍ଯ୍ୟାଳୟ ପକ୍ଷରୁ ଆଦର୍ଶ ବିଦ୍ୟାଳୟରେ ‘ପକ୍ଷୀ ପାଇଁ ଦିନଟିଏ’ କାର୍ଯ୍ୟକ୍ରମ ପ୍ରଥମ ଥର ପାଇଁ ଆୟୋଜିତ ହୋଇଛି। ଏହି ଅବସରରେ କଲମପୁର ବନପାଳଙ୍କ କାର୍ଯ୍ୟାଳୟ ପକ୍ଷରୁ ଆଦର୍ଶ ବିଦ୍ୟାଳୟ ଛାତ୍ରଛାତ୍ରୀମାନଙ୍କୁ ପକ୍ଷୀମାନଙ୍କ ବିଷୟରେ ଅବଗତ କରାଯାଇଥିଲା।
ଏହି କାର୍ଯ୍ୟକ୍ରମରେ କଲମପୁର ବନପାଳ ଏକାଦଶୀ ନାଏକ ଏବଂ ବନବିଭାଗ କର୍ମଚାରୀମାନେ ବିଭିନ୍ନ ପ୍ରଜାତିର ପକ୍ଷୀଙ୍କ ନାମ ଗଣନା ସହିତ ପରିବେଶ ପ୍ରତି ପକ୍ଷୀଙ୍କ ଅବଦାନ ନେଇ ବିସ୍ତୃତ ବର୍ଣ୍ଣନା କରିଥିଲେ। ଏଥିସହ ସେମାନେ ନିକଟରେ ଥିବା ପୋଖରୀ ପାଖକୁ ନେଇ ଛାତ୍ରଛାତ୍ରୀମାନଙ୍କୁ ପ୍ରତ୍ୟକ୍ଷ ଭାବେ ବୁଝାଇଥିଲେ। ଏଥିରେ ବନରକ୍ଷକ ସୁହାଗ ରଞ୍ଜନ ପଣ୍ଡା, ସୁଧାଂଶୁ ସାହୁ, ସୁଚିତ୍ର ପ୍ରଧାନ, ରଞ୍ଜିତା ଖାଡିଆ, ରବି ମିଶ୍ର ଉପସ୍ଥିତ ରହିଥିବା ବେଳେ ମାଧବ ମାଝି, କୌଶିକ କଁଟା, ମିଳନ ମାଝି ସହଯୋଗ କରିଥିଲେ।
