ଭୁବନେଶ୍ୱର: ମିଶନ୍ ଚନ୍ଦ୍ରାୟାନ-୨ର ମୁଖ୍ୟ ବିନ୍ଧାଣୀ ତଥା ଇସ୍ରୋ ଅଧ୍ୟକ୍ଷ କେ ସିବନ୍ ଆସନ୍ତାକାଲି ଭୁବନେଶ୍ବର ଆସିବେ। ଆସନ୍ତାକାଲି ଆଇଆଇଟି, ଭୁବନେଶ୍ବରର ୮ମ ସମାବର୍ତ୍ତନ ଉତ୍ସବରେ ସେ ମୁଖ୍ୟ ଅତିଥି ଭାବେ ଯୋଗଦେବାର କାର୍ୟ୍ୟକ୍ରମ ରହିଛି। ଚନ୍ଦ୍ରାୟାନ-୨କୁ ନେଇ ସମଗ୍ର ବିଶ୍ବରେ ଭାରତ ସୁନାମ ଅର୍ଜନ କରିଥିବା ବେଳେ ଏହାର ଶ୍ରେୟ ଶିବନଙ୍କୁ ଦିଆଯାଇଛି। ଏକ ସାଧାରଣ କୃଷକ ପରିବାରରୁ ଇସ୍ରୋ ମୁଖ୍ୟ ପର୍ୟ୍ୟନ୍ତ ଶିବନ୍ଙ୍କ ଜୟଯାତ୍ରା ଏବେ ଚର୍ଚ୍ଚାର ବିଷୟ ପାଲଟିଛି। ତାଙ୍କର ଗସ୍ତକୁ ନେଇ ଆଇଆଇଟି ଛାତ୍ରଛାତ୍ରୀଙ୍କ ମଧ୍ୟରେ ପ୍ରବଳ ଉତ୍ସାହ ଦେଖାଦେଇଛି। ଏହି ଅବସରରେ ସେ ଆଇଆଇଟିର ଛାତ୍ରଛାତ୍ରୀଙ୍କୁ ସ୍ବର୍ଣ୍ଣପଦକ ସହ ଡିଗ୍ରୀ ପ୍ରଦାନ କରିବେ।
