ଆବୁ ଧାବି : ବିଶ୍ବର ୧ ନମ୍ବର ପୁରୁଷ ଟେନିସ୍ ଖେଳାଳି ସର୍ବିୟାର ନୋଭାକ୍ ଜୋକୋଭିକ୍ ଚଳିତବର୍ଷ ସମାପ୍ତ ହୋଇଥିବା ଅନ୍ତିମ ଟୁର୍ଣ୍ଣାମେଣ୍ଟରେ ଚମ୍ପିଆନ୍ ହୋଇଛନ୍ତି। ଏଠାରେ ଶନିବାର ଉଦ୍ଯାପିତ ମୁବାଡାଲା ବିଶ୍ବ ଟେନିସ ଚମ୍ପିଆନ୍ସିପର ଫାଇନାଲରେ ଜୋକୋଭିକ୍ ଦକ୍ଷିଣ ଆଫ୍ରିକାର କେଭିନ୍ ଆଣ୍ଡରସନ୍ଙ୍କୁ ୪-୬, ୭-୫, ୭-୫ ସେଟ୍ରେ ପରାସ୍ତ କରିଛନ୍ତି। ଗୋଟିଏ ସେଟ୍ରେ ପଛୁଆ ରହିବା ସତ୍ତ୍ବେ ଜୋକୋଭିକ୍ ଲଢ଼ୁଆ ପ୍ରଦର୍ଶନ କରି ବିଜୟୀ ହୋଇଥିଲେ। ୱିମ୍ବଲଡନ୍ ଓ ୟୁଏସ୍ ଓପନ୍ ଚମ୍ପିଆନ୍ ଜୋକୋଭିକ୍ ସୋମବାରଠାରୁ ଦୋହାରେ ଆରମ୍ଭ ହେଉଥିବା କାତାର ଓପନ୍ରେ ଖେଳିବାକୁ ଯାଉଛନ୍ତି। ଏହି ଟୁର୍ଣ୍ଣାମେଣ୍ଟରେ ଜୋକୋଭିକ୍ ହେଉଛନ୍ତି ଟପ୍ ସିଡ୍।
