ସମ୍ବଲପୁର – ସମ୍ବଲପୁରର ଦଲେଇପଡା ସ୍ଥିତ ମାଁ ବାଟ ମଙ୍ଗଳା ମନ୍ଦିରରେ ପବିତ୍ର ଅକ୍ଷୟ ତୃତୀୟା ଉପଲକ୍ଷେ ମାଁ ଙ୍କୁ ଜଳସେଇ କରାଯାଇଛି । ପ୍ରତି ବର୍ଷ ଭଳି ଚଳିତ ବର୍ଷ ମଧ୍ୟ ଅକ୍ଷୟ ତୃତୀୟା ଅବସରରେ ମାଁ ବାଟ ମଙ୍ଗଳାଙ୍କ ପୂଜାର୍ଚ୍ଚନା ପୁଜକ ସୁରେଶ ଚନ୍ଦ୍ର ପଟ୍ଟନାୟକ କରିବା ପରେ ପ୍ରଥମେ ଗମ୍ଭିରାରେ କୂଅଁରୁ ଜଳ ଆଣି ଭର୍ତ୍ତି କରିଥିଲେ । ଏହା ପରେ ଭକ୍ତ ମାନେ କୂଅଁ ଓ ମହାନଦୀରୁ ଜଳ ଆଣି ଜଳାଭିଷେକ କରିଥିଲେ । ସନ୍ଧ୍ୟା ୭ଟା ସମୟରେ ଜଳାଭିଷେକ ପରେ ମହ।ଆଳତୀ କରାଯାଇ ପ୍ରସାଦ ବଣ୍ଟନ କରାଯାଇଥିଲା । ମାଁ ବାଟ ମଙ୍ଗଳା ଙ୍କ ଏହି ଜଳସେଇ ଗୁରୁବାର ୫ ତାରିଖ ଦିନ ୧୦ଟା ପର୍ଯ୍ୟନ୍ତ ରଖାଯିବ । ଭକ୍ତଙ୍କ ଦର୍ଶନ ପରେ ଜଳକୁ ନିଷ୍କାସନ କରାଯିବ ବୋଲି ମନ୍ଦିର ପୂଜକ ପଟ୍ଟନାୟକ କହିଛନ୍ତି ।
Comments are closed.