ସମ୍ବଲପୁର : ବରଗଡ ଜିଲା ପରେ ସମ୍ବଲପୁର ଜିଲାରେ ମଣ୍ତିରେ ଚାଷୀ ମାନେ ଧାନ ବିକ୍ରି କୁ ନେଇ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ମଣ୍ତି ଖୋଲିବାର ଦୀର୍ଘ ଚାରି ଦିନ ହେବ ଧାନ ବିକ୍ରି ଠପ୍ ହୋଇଥିବା ବେଳେ ଆଜି ମଣ୍ତିରେଧାନ ବିକ୍ରି ସ୍ଵାଭାବିକ ହୋଇଛି । ବିଭିନ୍ନ ମଣ୍ତିରେ ହଜାର ହଜାର ଧାନ ବସ୍ତା ପଡିରହିଥିବା ବେଳେ ମିଲର ଚୁକ୍ତି ସ୍ଵାକ୍ଷରିତ କରିନଥିବା କାରଣରୁ ଧାନ ବିକ୍ରି ହୋଇପାରୁନଥିଲା ।
ମିଲର ଚୁକ୍ତି ସ୍ଵାକ୍ଷରିତ କରିବା ପରେ ମଣ୍ତିରେ ଆଜି ଧାନ ଉଠିଛି। କିନ୍ତୁ କିଛି ଚାଷୀ ଏଯାଏଁ ଟୋକନ ପାଇ ପାରିନାହାନ୍ତି। ଟୋକନ ପାଇନଥିବାରୁ ହଟାହଟା ହେଉଛନ୍ତି ଚାଷୀ। ଯେଉଁ ଚାଷୀମାନେ ଧାନ ଅମଳ କରିସାରିଛନ୍ତି ସେମାନଙ୍କୁ ଟୋକନ ମିଳିନାହିଁ। ଯାହା ଫଳରେ ଚାଷୀମାନେ ଧାନ ବିକ୍ରି କରିପାରୁନାହାନ୍ତି। ଏପର୍ଯ୍ୟନ୍ତ ସମ୍ବଲପୁର ଜିଲାରେ ୧୬ ହଜାର ଚାଷୀ ଟୋକନ ପାଇନାହାନ୍ତି। ଆଉ କିଛି ଚାଷୀଙ୍କୁ ଗୋଟିଏ ଲେଖାଏଁ ଟୋକନ ମିଳିଛି ।
