ନୂଆଦିଲ୍ଲୀ : ଇସ୍ରାଏଲ୍ ଓ ଇରାନ ମଧ୍ୟରେ ଜାରି ରହିଥିବା ଯୁଦ୍ଧ କାରଣରୁ ସାରା ଦୁନିଆ ପାଇଁ ଚିନ୍ତାର କାରଣ ପାଲଟିଛି । ପରିସ୍ଥିତି ଜଟିଳ, ଶୋଚନୀୟ ହେଲେ ସବୁଠାରୁ ଅଧିକ ପ୍ରଭାବ ଭାରତ ଉପରେ ପଡିପାରେ ବୋଲି କୁହାଯାଉଛି । କାରଣ ଭାରତର ଉଭୟ ଇରାନ୍ ଓ ଇସ୍ରାଏଲ୍ ସହ ସମ୍ପର୍କ ଉତ୍ତମ । ଦୀର୍ଘ ସମୟ ପର୍ଯ୍ୟନ୍ତ ଯୁଦ୍ଧ ଲାଗି ରହିଲେ, ଇନ୍ଧନ ପାଇଁ ମୁଖ୍ୟ ସମସ୍ୟା ସୃଷ୍ଟି ହେବ । ଅର୍ଥାତ୍ ଭାରତରେ ଇନ୍ଧନ ମୂଲ୍ୟ ମହଙ୍ଗା ହେବ । କାରଣ ଇରାନ୍ ଦୁନିଆର ସବୁଠାରୁ ବଡ ତେଲ ଉତ୍ପାଦକମାନଙ୍କ ମଧ୍ୟରୁ ଗୋଟିଏ । ସେହିପରି ଇରାନ୍ ଓ ଇସ୍ରାଏଲ ସହ ଭାରତ ଅନେକ ଜିନିଷର ଆମଦାନୀ ଓ ରପ୍ତାନୀ ମଧ୍ୟ କରିଥାଏ । ଯାହା ବନ୍ଦ ହୋଇପାରେ ବୋଲି କୁହାଯାଉଛି । ଇନ୍ଧନ ନ ମିଳିଲେ ଆମଦାନୀ-ରପ୍ତାନୀ ବନ୍ଦ ହେଲେ କି କି ସମସ୍ୟା ହେବ ଜାଣନ୍ତୁ..
ପେଟ୍ରୋଲ୍, ଡିଜେଲ୍-
ପେଟ୍ରୋଲ୍, ଡିଜେଲ୍ ମହଙ୍ଗା ହେଲେ ସାମଗ୍ରୀ ପରିବହନ ମହଙ୍ଗା ହୋଇପାରେ । ଫଳରେ ସମସ୍ତ ଜିନିଷର ଦରଦାମ୍ ବୃଦ୍ଧି ପାଇବ । ବସ୍, ଅଟୋ, ଟ୍ୟାକ୍ସିର ଭଡା ମଧ୍ୟ ବୃଦ୍ଧି ପାଇପାରେ ।
ପରିବହନ ଖର୍ଚ୍ଚ-
ପରିବହନ ଖର୍ଚ୍ଚ ବଢିବା ଦ୍ୱାରା ପନିପରିବା, ଫଳ, ଡାଲି, ଅଟା, ତେଲ ଆଦି ନିତ୍ୟ ଆବଶ୍ୟକୀୟ ଜିନିଷ ମଧ୍ୟ ମହଙ୍ଗା ହୋଇପାରେ ।
ଅନ୍ଲାଇନ୍ ସେବା ଉପରେ ପ୍ରଭାବ-
ଖାଦ୍ୟ-ପେୟ ଜିନିଷ ଓ ପରିବହନ ଖର୍ଚ୍ଚ ମହଙ୍ଗା ହେବା ଦ୍ୱାରା ଜମାଟୋ, ସ୍ୱିଗି, ଆମାଜନ୍, ଫ୍ଲିପକାର୍ଟ ସମେତ ଅନେକ କମ୍ପାନୀ ଅନ୍ଲାଇନ୍ ଡେଲିଭରି ଓ ଇ-କମର୍ସ ସେବାର ଡେଲିଭରି ମହଙ୍ଗା କରି ପାରନ୍ତି ।
ଯାତ୍ରା ଓ ପର୍ଯ୍ୟଟନ ମହଙ୍ଗା-
ପେଟ୍ରୋଲ୍-ଡିଜେଲ ମହଙ୍ଗା ହେବା ଦ୍ୱାରା ପରିବହନ ଖର୍ଚ୍ଚ ବଢିବ, ଫଳରେ ବିମାନ, ଟ୍ରେନ୍, ବସ୍ ଟିକେଟ ଓ ପର୍ଯ୍ୟଟନ୍ ପ୍ୟାକେଜ୍ ମଧ୍ୟ ମହଙ୍ଗା ହୋଇପାରେ ।
ଟ୍ରାକ୍ଟର ,ପମ୍ପ ଓ ଫସଲ ପାଇଁ ଡିଜେଲ୍ ଆବଶ୍ୟକ ହୋଇଥାଏ । ଇରାନ୍, ଇସ୍ରାଏଲ୍ ଯୁଦ୍ଧ ଦ୍ୱାରା ଇନ୍ଧନ ମହଙ୍ଗା ହେଲେ, ଚାଷ ମଧ୍ୟ ମହଙ୍ଗା ହୋଇପାରେ ।
ଫ୍ୟାକ୍ଟ୍ରିରେ କଞ୍ଚାମାଲ ଆଣିବାକୁ ଓ ନେବାକୁ ଓ ମେସିନ୍ ସଞ୍ଚାଳନରେ ଇନ୍ଧନର ଗୁରୁତ୍ୱପୂର୍ଣ୍ଣ ଭୂମିକା ରହିଛି । ଫଳରେ ଉତ୍ପାଦ ମହଙ୍ଗା ହୋଇପାରେ ।
ପେଟ୍ରୋଲ ଏବଂ ଡିଜେଲର ମୂଲ୍ୟ ବୃଦ୍ଧି ଯୋଗୁଁ ମୁଦ୍ରାସ୍ଫୀତି ସୂଚକାଙ୍କ ବୃଦ୍ଧି ପାଇବ, ଯାହା ଫଳରେ ଆରବିଆଇ ସୁଧ ହାର ବୃଦ୍ଧି କରିପାରେ, ଯାହା ଫଳରେ ଋଣ ମହଙ୍ଗା ହୋଇପାରେ।
ଦେଖନ୍ତୁ ଭିଡିଓ ; କରୁଥିଲେ ରିଲ୍ସ, ଘୋଡା ଠାରୁ ଖୁବ୍ ଜୋର୍ରେ ଲାତ ଖାଇଲେ ଯୁବତୀ, ତା’ପରେ..
