ନୂଆଦିଲ୍ଲୀ : ବର୍ତ୍ତମାନ ସମୟରେ ଯୁବକ ହୁଅନ୍ତୁ ଅଥବା ଯୁବତୀ, ମହିଳା, ପୁରୁଷ ରିଲ୍ସ କରିବା ସମୟରେ ସ୍ଥାନକାଳ ପ୍ରତି ନଜର ଦେଉ ନାହଁନ୍ତି । ବିଶେଷ କରି ସୁନ୍ଦର ପରିବେଶ ଦେଖିବା ମାତ୍ରେ ରିଲ୍ସ କରିବା ଆରମ୍ଭ କରିଥାନ୍ତି । ପାହାଡ, ପର୍ବତ ଝରଣା ଆଦି ସ୍ଥାନରେ ରିଲ୍ସ କରିବାକୁ ଅଧିକାଂଶ ବେଶ ପସନ୍ଦ କରି ଥାନ୍ତି । ନିକଟରେ ଭାଇରାଲ୍ ହେଉଥିବା ଏକ ଭିଡିଓ ଦେଖି ଲୋକେ ଆଶ୍ଚର୍ଯ୍ୟ ଚକିତ ମଧ୍ୟ ହୋଇଛନ୍ତି । ଭିଡିଓଟି ଏବେ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଭିଡିଓଟି ନେପାଳର କୁରୀ ଗାଁରେ ଜଣେ ଯୁବତୀଙ୍କର ।
ଭିଡିଓରେ ଦେଖିପାରିବେ ପାହାଡ ଉପରେ ଜଣେ ଯୁବତୀ ନାଚି ନାଚି ରିଲ୍ସ କରୁଛନ୍ତି । ସେହି ସମୟରେ ସେଠାରେ ଏକ ଘୋଡା ମଧ୍ୟ ଦେଖାଯାଉଛି । ଘୋଡାଟି ଚୁପଚାପ୍ ଘାସ ଖାଉଛି । ଯୁବତୀ ଜଣକ ନାଚିବା ସମୟରେ ଘୋଡା ତାଙ୍କ ନିକଟକୁ ଆସୁଥିବା ଦେଖିପାରିବେ । ହଠାତ୍ ଘୋଡାଟି ରାଗି ଯାଇ ଯୁବତୀଙ୍କୁ ଖୁବ୍ ଜୋରରେ ଲାତ ମାରୁଛି । ଯୁବତୀ ଜଣକ ଛିଟକି ଦୂରରେ ପଡୁଛନ୍ତି । ମାତ୍ର ଗୁରୁତର ଆହତ ହୋଇ ନାହାଁନ୍ତି ବୋଲି ଜଣାପଡିଛି । ସମ୍ପୂର୍ଣ୍ଣ ଘଟଣା ରେକର୍ଡ ହେବା ପରେ ଏବେ ଭାଇରାଲ୍ ହେଉଛି । ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି। ଭିଡିଓଟିକୁ ଲକ୍ଷ ଲକ୍ଷ ଲୋକେ ଦେଖି ସାରିଲେଣି।
