ନୂଆଦିଲ୍ଲୀ : ଇସ୍ରାଏଲ୍ ଓ ହିଜବୁଲ୍ଲା ମଧ୍ୟରେ ୧୪ ମାସ ଧରି ଲାଗିଥିବା ଯୁଦ୍ଧରେ ବିରାମ ଲାଗିଛି । ଇସ୍ରାଏଲ ସହ ଲଢେଇରେ ହିଜବୁଲ୍ଲାକୁ ବହୁତ କ୍ଷତି ସହିବାକୁ ପଡିଛି । ହିଜବୁଲ୍ଲାର ଅନେକ ସୈନିକ ପ୍ରାଣ ହରାଇଛନ୍ତି । ହଜାର ହଜାର ଲୋକ ବିସ୍ଥାପିତ ହୋଇଛନ୍ତି ।
ହିଜବୁଲ୍ଲା ଇସ୍ରାଏଲ ବିରୁଦ୍ଧରେ ଯୁଦ୍ଧରେ ହମାସକୁ ସମର୍ଥନ କରିଛି । ଗାଜାରେ ଅସ୍ତ୍ରବିରତି କରାଇବା ଏହାର ମୁଖ୍ୟ ଉଦ୍ଦେଶ୍ୟ ଥିଲା । କିନ୍ତୁ ୧୪ ମାସ ପରେ ମଧ୍ୟ ହିଜବୁଲ୍ଲା ସଫଳ ହୋଇପାରିଲାନି । ବରଂ ଯୁଦ୍ଧରେ ହିଜବୁଲ୍ଲାକୁ ଅନେକ କ୍ଷତି ସହିବାକୁ ପଡିଲା । ଅନେକ ବେସ୍ କ୍ୟାମ୍ପ ଧ୍ବସଂ ପାଇଛି । ଇସ୍ରାଏଲର ଆକ୍ରମଣରେ ହିଜବୁଲ୍ଲାର ଅନେକ କମାଣ୍ଡରଙ୍କ ମୃତ୍ୟୁ ହୋଇଛି । ଏଥିରେ ମୁଖ୍ୟ ନସରଲ୍ଲାହ ମଧ୍ୟ ସାମିଲ । ସେ ୩୦ ବର୍ଷ ଧରି ହିଜବୁଲ୍ଲାହର ସେକ୍ରେଟେରୀ ଜେନେରାଲ ଥିଲେ ।
ଯୁଦ୍ଧ ବିରାମ ଚୁକ୍ତି ଅନୁସାରେ ହିଜବୁଲ୍ଲାକୁ ଇସ୍ରାଏଲ ଲେବାନନ୍ ବର୍ଡରରୁ ୨୫ କିଲୋମିଟର ପଛକୁ ହଟିବାକୁ ହେବ । ଏହା ଫଳରେ ଉତ୍ତର ଇସ୍ରାଏଲ ପାଇଁ ହିଜବୁଲ୍ଲାର ବିପଦ କମ୍ ହୋଇଯିବ । ହିଜବୁଲ୍ଲାର ରାଜନୈତିକ ପଦ ମଧ୍ୟ ପ୍ରଭାବିତ ହୋଇଛି । ସମୁହ ୧୪ ମାସର ଅଭିଯାନକୁ ବିଜୟ ବୋଲି କହିଛି । ହିଜବୁଲ୍ଲାହ ଦିନେ ଇରାନର ସବୁଠାରୁ ମଜଭୁତ ପ୍ରତିନିଧି ଥିଲା । କିନ୍ତୁ ୧୪ ମାସ ପରେ ଆଉ ହିଜବୁଲ୍ଲା ଆଉ ଆଗଭଳି ମଜଭୁତ ସମୁହ ହୋଇରହିନି । ହମାସକୁ ସୈନ୍ୟ ରୂପେ ମଧ୍ୟ କ୍ଷତି ହୋଇଛି । ଅନେକ ପ୍ରମୁଖ ନେତା ଓ କମାଣ୍ଡର ନିହତ ହୋଇଛନ୍ତି ।
Comments are closed.