ନୂଆଦିଲ୍ଲୀ : ଆଗାମୀ ୨୦୨୧ ସୁଦ୍ଧା ରେଳବାଇରେ ୪ଲକ୍ଷ ନୂଆ ନିଯୁକ୍ତି ଦିଆଯିବ ବୋଲି ରେଳମନ୍ତ୍ରୀ ପୀୟୂଷ ଗୋୟଲ ବୁଧବାର ଘୋଷଣା କରିଛନ୍ତି। ଏହି ନିଯୁକ୍ତିରେ ଆର୍ଥିକ କ୍ଷେତ୍ରରେ ପଛୁଆ ସାଧାରଣ ବର୍ଗଙ୍କ ପାଇଁ ୧୦ପ୍ରତିଶତ ସଂରକ୍ଷଣ ବ୍ୟବସ୍ଥା କାର୍ଯ୍ୟକାରୀ କରାଯିବ। ଗୋୟଲ କହିଛନ୍ତି ଯେ ରେଳବାଇରେ ଅନୁମୋଦିତ ପଦ ସଂଖ୍ୟା ୧୫.୦୬ ଲକ୍ଷ ଥିବାବେଳେ ଏବେ ୧୨.୨୩ଲକ୍ଷ କର୍ମଚାରୀ କାର୍ଯ୍ୟ କରୁଛନ୍ତି। ତେଣୁ ୨.୮୨ ଲକ୍ଷ ପଦ ଖାଲି ପଡିଛି। ଏହି ଖାଲି ପଦ ମଧ୍ୟରୁ ୧.୫୧ ଲକ୍ଷ ପଦରେ ନୂଆ ନିଯୁକ୍ତି ନେଇ ଗତବର୍ଷ ଠାରୁ ପ୍ରକ୍ରିୟା ଆରମ୍ଭ ହୋଇସାରିଛି। ଏହାକୁ ବାଦ୍ ଦେଲେ ଆହୁରି ୧.୩୧ ଲକ୍ଷ ପଦ ଖାଲି ରହିଛି। ଆଗାମୀ ଦୁଇବର୍ଷ ମଧ୍ୟରେ ୯୯,୦୦୦ ପଦ ଖାଲି ହେବ। ୨୦୧୯ ଓ ୨୦୨୦ରେ ଯଥାକ୍ରମେ ୫୩ହଜାର ଓ ୪୬ହଜାର କର୍ମଚାରୀ ଅବସର ନେବେ। ଏ ସବୁକୁ ହିସାବ କଲେ ୨୦୨୧ ସୁଦ୍ଧା ରେଳବାଇରେ ପ୍ରାୟ ୪ଲକ୍ଷ ଲୋକ ନିଯୁକ୍ତି ପାଇବେ।
୨୦୨୧ ସୁଦ୍ଧା ରେଳବାଇରେ ୪ଲକ୍ଷ ନିଯୁକ୍ତି
Popular Categories
Previous article
Next article